影片
更多
2022-08-21
460 瀏覽
早前喺 fb 睇到有人推介呢間主打湯飯同法包嘅專賣店，見啲湯飯相片幾吸引，趁今日中午有空檔，專登約埋朋友過嚟食個 quick lunch。餐牌有 6 款湯飯、法包，另外仲有一系列麻辣、涼拌及醉酒小食、冷泡茶和甜品等供應，選擇好豐富。揀左 2 款湯飯，還原妹豬湯 ($78) 材料有滑雞、姬松茸同花膠。餐牌標明所有嘅湯底都不含味精，全由豬骨、上等老雞同瑤柱熬煮而成，唔怪得飲落咁清甜滋潤。雞件好嫩滑，啖啖肉有雞味。姬松茸香味濃郁；花膠大大塊，爽滑不腥，加上索晒啲湯底，美味又健康，食完好有幸福感。米飯加入了紅米，高纖又有營。至於呢客金玉滿船 ($88) 嘅材料就有鮑魚、魚翅、海參同姬松茸。鮑魚大隻又厚肉，入口煙韌彈牙。海參骨膠原豐富；魚翅份量十足，拌勻後每一啖都能吃到完整魚翅。另外飯底還有不少冬瓜粒，吃時可配少許餐廳自家炮製嘅菜脯，入口香辣有層次，令食物鮮味提升。另外再揀左 2 款小食：蔥油手撕雞 ($38) 同 沙薑豬手 ($38)。手撕雞勁滑溜，鹹度適中，入口帶蔥油香，夾埋啲乾蔥一齊食，超惹味。豬手都好正，外皮清爽Q彈，食落仲有陣陣沙薑香。聽店員講，佢哋嘅醬汁全部都係自家製，落足心機，
早前喺 fb 睇到有人推介呢間主打湯飯同法包嘅專賣店，見啲湯飯相片幾吸引，趁今日中午有空檔，專登約埋朋友過嚟食個 quick lunch。
餐牌有 6 款湯飯、法包，另外仲有一系列麻辣、涼拌及醉酒小食、冷泡茶和甜品等供應，選擇好豐富。
揀左 2 款湯飯，還原妹豬湯 ($78) 材料有滑雞、姬松茸同花膠。餐牌標明所有嘅湯底都不含味精，全由豬骨、上等老雞同瑤柱熬煮而成，唔怪得飲落咁清甜滋潤。
雞件好嫩滑，啖啖肉有雞味。姬松茸香味濃郁；花膠大大塊，爽滑不腥，加上索晒啲湯底，美味又健康，食完好有幸福感。米飯加入了紅米，高纖又有營。
至於呢客金玉滿船 ($88) 嘅材料就有鮑魚、魚翅、海參同姬松茸。鮑魚大隻又厚肉，入口煙韌彈牙。
海參骨膠原豐富；魚翅份量十足，拌勻後每一啖都能吃到完整魚翅。另外飯底還有不少冬瓜粒，吃時可配少許餐廳自家炮製嘅菜脯，入口香辣有層次，令食物鮮味提升。
另外再揀左 2 款小食：蔥油手撕雞 ($38) 同 沙薑豬手 ($38)。手撕雞勁滑溜，鹹度適中，入口帶蔥油香，夾埋啲乾蔥一齊食，超惹味。
豬手都好正，外皮清爽Q彈，食落仲有陣陣沙薑香。聽店員講，佢哋嘅醬汁全部都係自家製，落足心機，真材實料，絕對有誠意。
意猶未盡，決定再加多份鹽水鴨 ($38)，鴨身油潤光亮，肉質細嫩，入口甘腴鹹香，最啱就係用嚟送酒！
張貼
