Boholic

營業中

休息中

餐廳多個打卡位，滿滿波希米亞風，環境氣氛都好岩一班姊妹黎。七點去到坐左陣就已經坐滿人，最好黎前先預約，而門口外有位置可以帶寵物黎。✨白酒百里香醉香牛油澳洲新鮮藍青口配蒜香包 $148青口分量唔少，底有百里香百酒，唔會好鹹，可以配4塊蒜香包食，就算唔配汁就咁食都得，原本包已經好有味道。✨香煎12小時慢煮紐西蘭羊架配韓式香辣醬 $248羊架有四件，經過12小時慢煮令到肉質唔會變乾，羊羶味唔會好勁。底有南瓜蓉，好濃南瓜甜味，仲好軟滑，正！而個韓式香辣醬好重要，令到味道層次豐富左，酸酸辣辣好開胃。✨香濃開心果巴斯克芝士蛋糕 $72 👍🏻👍🏻👍🏻見到有開心果味即刻心心眼，蛋糕軟綿，再加上有開心果奶蓋，成個蛋糕食落更濕潤，開心果味更濃，最緊要甜而不膩。