影片
更多
2023-07-11
22 瀏覽
約咗朋友嚟灣仔食晏，本來仲苦惱緊應該揀邊間餐廳好，點知友人早有準備，話要同我去廈門街「一虎」食拉麵。餐廳面積不大，目測不足 20 個座位，但舖面整潔企理，木系裝潢，充滿日本風情。細看餐牌，拉麵嘅選擇都幾多，除了招牌一虎拉麵外，還有海老、赤虎、黑虎、白虎、鮪魚、檸檬和柚子味噌拉麵等。揀咗一虎特選 ($143) 同 檸檬拉麵 ($106)，另外再加咗客煎餃子 ($48)。餃子外皮煎得十分香脆，皮薄金黃，入面嘅豬肉餡好新鮮，夠 Juicy 又有彈性，唔使點醬汁食已經好夠味。一虎特選：湯底自家製，用上豚骨及多種菜蔬熬成，口味非常濃郁，帶甜而不膩。配菜分量十足，有叉燒、味付蛋、筍、木耳、海苔和青蔥等，用料非常豐富。叉燒肥瘦適中，肉質嫩滑，入口軟綿。溏心蛋蛋黃緩緩流出，既香且滑，製作出色！拉麵有粗幼可選，揀咗粗麵，麵質好掛湯，入口有嚼勁。至於另一客檸檬拉麵亦係人氣之選，湯底以秘製檸檬醬跟自家製豬骨湯完美混合，入口微酸微甜，清爽不膩。麵條軟硬適中，夠爽身又帶麥香，加上碗邊嘅新鮮切片檸檬，口感非常配合，好啱夏大享用。另外仲點咗 2 支紅茶花伝 ($17@)，有檸檬同蜜桃兩款口味，入口甘甜解渴，食完拉麵
約咗朋友嚟灣仔食晏，本來仲苦惱緊應該揀邊間餐廳好，點知友人早有準備，話要同我去廈門街「一虎」食拉麵。
餐廳面積不大，目測不足 20 個座位，但舖面整潔企理，木系裝潢，充滿日本風情。
細看餐牌，拉麵嘅選擇都幾多，除了招牌一虎拉麵外，還有海老、赤虎、黑虎、白虎、鮪魚、檸檬和柚子味噌拉麵等。揀咗一虎特選 ($143) 同 檸檬拉麵 ($106)，另外再加咗客煎餃子 ($48)。
餃子外皮煎得十分香脆，皮薄金黃，入面嘅豬肉餡好新鮮，夠 Juicy 又有彈性，唔使點醬汁食已經好夠味。
一虎特選：湯底自家製，用上豚骨及多種菜蔬熬成，口味非常濃郁，帶甜而不膩。配菜分量十足，有叉燒、味付蛋、筍、木耳、海苔和青蔥等，用料非常豐富。
叉燒肥瘦適中，肉質嫩滑，入口軟綿。溏心蛋蛋黃緩緩流出，既香且滑，製作出色！拉麵有粗幼可選，揀咗粗麵，麵質好掛湯，入口有嚼勁。
至於另一客檸檬拉麵亦係人氣之選，湯底以秘製檸檬醬跟自家製豬骨湯完美混合，入口微酸微甜，清爽不膩。
麵條軟硬適中，夠爽身又帶麥香，加上碗邊嘅新鮮切片檸檬，口感非常配合，好啱夏大享用。
另外仲點咗 2 支紅茶花伝 ($17@)，有檸檬同蜜桃兩款口味，入口甘甜解渴，食完拉麵飲啱晒。
張貼
