影片
更多
2012-07-01
16 瀏覽
添好運既老細以前係四季酒店既大廚,因此一開店已經名氣爆燈!仲要係米芝蓮之選!自從添好運成名以後,佢既人龍都未少過, 仲開多左2間分店除左總店旺角外,仲開多左2間,包括香港站店同深水埗店之前食過總店,都幾好食,今次試埋香港站店!酥皮焗叉燒包: 必試鎮店之寶, 檯檯都會叫,真係整得好好食,新鮮整既, 熱辣辣薄薄既酥皮非常香口, 配合麵包軟綿綿; 叉燒餡既蠔油好香; 會好想食第二個!魚蓉蒸芋頭糕:好特別既點心, 芋頭糕入面有大大粒既芋頭粒,加埋鯪魚蓉都幾夾晶瑩鮮蝦餃:賣相夠晶瑩, 個皮相當煙韌, 唔會太厚, 鮮甜爽口陳皮牛肉:牛肉夠"林"! 夠嫩,配合腐竹,好味!叉燒腸: 個皮拉得唔錯,香軟,下次會食黃沙豬膶!馬拉糕:好鬆軟,有很香既黑糖味鮑汁鳳爪: 個汁OK, 但好硬身下, 唔太啱食腐皮卷:味道一般,較油膩桂花糕:有好多桂花係入面,但味道偏甜, 好一般好好食,好滿足既一餐!仲要好抵食,50幾蚊埋單
仲要係米芝蓮之選!
自從添好運成名以後,佢既人龍都未少過, 仲開多左2間分店
除左總店旺角外,仲開多左2間,包括香港站店同深水埗店
之前食過總店,都幾好食,今次試埋香港站店!
酥皮焗叉燒包: 必試鎮店之寶, 檯檯都會叫,真係整得好好食,新鮮整既, 熱辣辣
薄薄既酥皮非常香口, 配合麵包軟綿綿; 叉燒餡既蠔油好香; 會好想食第二個!
魚蓉蒸芋頭糕:好特別既點心, 芋頭糕入面有大大粒既芋頭粒,加埋鯪魚蓉都幾夾
晶瑩鮮蝦餃:賣相夠晶瑩, 個皮相當煙韌, 唔會太厚, 鮮甜爽口
陳皮牛肉:牛肉夠"林"! 夠嫩,配合腐竹,好味!
叉燒腸: 個皮拉得唔錯,香軟,下次會食黃沙豬膶!
馬拉糕:好鬆軟,有很香既黑糖味
鮑汁鳳爪: 個汁OK, 但好硬身下, 唔太啱食腐皮卷:味道一般,較油膩
桂花糕:有好多桂花係入面,但味道偏甜, 好一般
好好食,好滿足既一餐!仲要好抵食,50幾蚊埋單
張貼
