火鍋煮場 (已結業)

呢間位置都算’格攝’，特登搭車過來尋鮮味。店內唔算好大，但坐得舒服，乾淨企理。坐低後就先簡醬油配料，然後點餸。今次叫左個卜卜蜆湯底，店員話呢個湯底係鮮魚‘淆’岀來，呈現奶白色，一試確實係有魚同蜆的鮮味呢個自家製的丸同餃子真心推薦，手打丸十分爽口彈牙，仲好有鮮味。而餃子確實真材實料，粒粒都好多餡好大粒。都幾飽肚黑豚肉 豬味十足，肉同脂肪比例相約，口感頗滑，超邪惡，令人不能停口地食。岩岩炸起，就甘食勁鬆脆，唔似其他店的會有過氣果種韌的感覺。真心讚活魚刺身條魚上枱仲不停郁勁生猛新鮮有咬口，唔腥易入口。唔錯仲可以做避風塘炒魚即叫即正，熱辣辣。連飲品竹蔗茅根都係店內自己煲，唔錯。整體來講是一間對食物有要求同有質素的火鍋店，用料非常新鮮，而且店員很友善，會按照食客喜好而作出食材調正，有彈性去處理事物，做到以客為主。就連蔬菜、豆腐都有質素，粟米是有粟米味，而且粒粒飽滿鮮甜，豆腐都超滑，入口即溶。是令人滿足的火鍋餐