越萊 (福榮街)

營業中

休息中

呢間係深水埗既越萊係成日都好鍾意黎食既。 每次行過黃金呢頭都要黎幫襯下。 因為佢既價錢好親民，野食都好大份量，真係好抵食。今日都唔例外，黎開呢頭又要入黎食啦。 想試下佢既越式包，因平時都係食湯河或者飯，今日熱熱地就食包啦。 仲趕得切下午茶，所以越式包加小小錢就有埋飲品。叫左個越式扎肉包，配凍既咸柑桔。 個包黎到都幾大份，入面除左扎肉仲有豬肝，青瓜，醃蘿蔔絲。 包係即烘，好香，每啖都好好食。而凍柑桔竟然仲有2粒話梅，更加好味，好醒2胃，啱晒咁熱既天氣飲。 跟住又叫左份炸蝦餅。 呢個幾乎係每次切食，好大件，勁有蝦味。 仲要係即叫即炸，好新鮮。再試埋佢既烤豬肉米紙卷。 佢既烤豬肉係豬肉腸，唔咸，夾埋菜同濛粉更覺清新，呢個配搭好正。今日又係食得好滿足，等下次又再黎食先。