萬發海鮮菜館

營業中

休息中

難得女友過海黎九龍 就帶左佢去食好想食好耐嘅萬發 食最想食嘅薯仔牛柳粒雖然夜晚九點幾到 但附近嘅車位都唔易搵 搭地鐵人士可以係深水埗站行過黎 大概15分鐘左右裝修幾好 除左小菜 都有類似茶餐廳晚餐牌一坐低先點左個牛柳粒 先再睇餐牌好多小菜都想食 奈何兩個人食量有限 最後點多個砵酒桶蠔再加碗白飯同一支生力清啤兩碟嘅份量係非常足夠先講牛柳粒 薯皮炒得啱啱好 皮微脆 牛柳粒夠林 擺左陣都冇硬 醬汁鹹度恰到好處桶蠔6隻 好大好肥好creamy 有啲驚喜 調味微甜 食完三隻已經四五成飽Overall 幾滿意 係價錢上略嫌貴盛惠33x 計埋茶錢推薦俾中意食大排檔小菜嘅人黎食 最好愈人多愈好 食多幾味餸