麵家山下 (已搬遷) 新店位置

夜晚八點半黎到門口仲有人排緊隊，依然好忙。唔知道原來要人手落咗單先排隊等安排上二樓坐，白白排咗十分鐘。附近係豬肉檔，衛生環境麻麻地，一定唔會選擇坐係門口位。等咗廿分鐘就安排上樓上坐，二樓就好安靜、坐位比想像中舒服、唔會好迫。分別叫咗叉燒拉麵 黑蒜油湯底 幼麵同拉麵DX 辛湯底唯一鐘意呢度嘅叉燒有炙燒過 幾特別同惹味。但湯底係好淡，亦食唔出濃郁嘅豬骨或黑蒜味。辛味湯底都完全唔辣。湯底好稀好水，所以掛唔到麵。飲品就係好普通乳酸飲品溝水咁。總結黎講，一次就夠，不會回頭。