老媽拌麵 (將軍澳中心)

營業中

休息中

話說想食健康d，諗諗吓拌麵係不錯嘅選擇。點知真係冇錯啊，佢啲嘢食令人覺得完全冇落味精咁，直頭係冇味。就唔係貶意嚟，如果你追求健康而唔係味道，自己又懶得煮都可以接受。但可能我一向較為重口，所以個蕃茄蛋拌麵同我想像嘅都⋯⋯頗大出入。一般而言點解蕃茄炒蛋會好食呢？就係因為落咗茄膏/茄汁，令成個茄味昇華晒！呢個就正正似係乜都冇落，純純粹粹嘅，蕃茄+蛋其他鴨舌啊等等都係除咗鹹味外都食唔出有好豐富嘅味道。總括而言就係似屋企飯，訓教前煮個麵仔做宵夜嘅產物。