彌敦左岸

營業中

休息中

朋友搵咗間喺尖沙咀幾正嘅西餐廳搞今次嘅gathering聚餐之餘，最重要係幾好氣氛亦有情調，夜晚仲有人唱歌。Mocktail Peachy Coco果茶味，易入口，岩女仔飲。Ham Peach Sala 沙律菜同平時食嘅有啲唔同菜葉比較大塊多汁火腿亦都好大塊，唔算太鹹最正嘅夾埋香桃一齊食，juicy又引領出火腿鮮味法式田螺一出爐好熱雖然只係細細隻不過就係鍾意佢螺肉個種鮮嫩口感香烤腸併盤比想像中大盤 有幾種不同嘅香腸口感雖然都有唔同，但全部都夠曬惹味旁邊嘅薯條都炸得夠熱又無過火，好香。德國豬手真係好皮脆肉嫩，層皮炸得卜卜脆非常香口，入面嘅肉好juicy，肥瘦得宜唔會有油膩感覺，係個種食完再想食既味道。雖然我係飲冇酒精嘅monktail，但係咁好氣氛，又有一班老友聽住歌傾下計，感覺真係好陶醉。