影片
更多
2023-10-13
40 瀏覽
《CAMPSITE - 旺角》朗豪坊作為旺角區既中心地標，亦係好多本地人同旅客搵食既地方，前幾日喺呢邊行行下街，望到喺四樓coffee shop 旁邊開左間好似餐吧咁既餐廳，最吸精係佢既裝修同擺設好原野風，又吊床又露營枱櫈咁，十分多打卡位🤭餐廳嘅菜式以英式西餐為主，好多菜式都係食得又玩得，唔使走到室外，涼住冷氣都可以體驗露營嘅感覺😉個體驗都幾得意㗎💁🏻♀️營火烤原隻魷魚$198第一道菜式係原隻燒魷魚，店員會喺你面前用營火爐燒，感覺好得意😍燒完之後仲會幫你切埋放上碟，魷魚彈牙而且質感黏糯，配埋餐廳提供嘅醬汁一齊食味道都幾合拍👍🏻就算唔點醬汁個魷魚本身都夠味，食得到海鮮本身嘅鹹香，而伴碟嘅蔬菜都絕對唔馬虎咼，個人幾喜歡佢個紫薯，甜甜地同個魷魚形成咗對比，感覺幾特別💁🏻♀️營火芝士火腿三文治 $128呢個三文治食得又玩得，首先將啲芝士放上去烤爐上面熱熔，大約兩三分鐘就整到拉絲感滿滿嘅芝士🧀️將佢哋淋上放滿焦糖洋蔥同火腿嘅三文治上面，超鍾意佢個麵包預先用咗牛油烘香，成個三文治食落有多重口感，芝士同火腿嘅鹹香，夾埋焦糖洋蔥嘅甜味，雖然食得多會好容易飽，但係兩個人分的話個份量就剛剛好👍🏻💁🏻♀️肉眼
朗豪坊作為旺角區既中心地標，亦係好多本地人同旅客搵食既地方，前幾日喺呢邊行行下街，望到喺四樓coffee shop 旁邊開左間好似餐吧咁既餐廳，最吸精係佢既裝修同擺設好原野風，又吊床又露營枱櫈咁，十分多打卡位🤭餐廳嘅菜式以英式西餐為主，好多菜式都係食得又玩得，唔使走到室外，涼住冷氣都可以體驗露營嘅感覺😉個體驗都幾得意㗎
💁🏻♀️營火烤原隻魷魚$198
第一道菜式係原隻燒魷魚，店員會喺你面前用營火爐燒，感覺好得意😍燒完之後仲會幫你切埋放上碟，魷魚彈牙而且質感黏糯，配埋餐廳提供嘅醬汁一齊食味道都幾合拍👍🏻就算唔點醬汁個魷魚本身都夠味，食得到海鮮本身嘅鹹香，而伴碟嘅蔬菜都絕對唔馬虎咼，個人幾喜歡佢個紫薯，甜甜地同個魷魚形成咗對比，感覺幾特別💁🏻♀️營火芝士火腿三文治 $128
呢個三文治食得又玩得，首先將啲芝士放上去烤爐上面熱熔，大約兩三分鐘就整到拉絲感滿滿嘅芝士🧀️將佢哋淋上放滿焦糖洋蔥同火腿嘅三文治上面，超鍾意佢個麵包預先用咗牛油烘香，成個三文治食落有多重口感，芝士同火腿嘅鹹香，夾埋焦糖洋蔥嘅甜味，雖然食得多會好容易飽，但係兩個人分的話個份量就剛剛好👍🏻💁🏻♀️肉眼牛扒風琴馬鈴薯 跟無花果牛油果藜麥沙律 $378
套餐入邊嘅無花果牛油果藜麥沙律質素幾高，沙律菜食落新鮮，重點係大大份😂藜麥同牛油果嘅份量好多，配埋黑醋汁好開胃🤓牛扒我哋揀咗三成熟，餐廳處理得唔錯，好多時出去食三成熟嘅牛扒切開都會有血水，咁嘅情況有可能係塊扒Rest得唔夠，但係呢度就完全冇呢個問題，食牛扒我最鍾意食筋嘅部份，咬落肉味會較濃郁而且有爽口嘅質感，而牛扒嘅肉質感覺都幾嫩，厚度適中，配埋餐廳特製嘅醬汁就令到個牛扒更加香濃😉btw個風琴馬鈴薯落咗少少海鹽，食落有牛油香又幾好味💁🏻♀️營火朱古力棉花糖夾餅 $88
食完主菜梗係要食甜品，雖然好飽，但係都好想體驗一下喺室內燒棉花糖😝餐廳特製嘅爐具模擬返喺野外圍爐嘅感覺，不過棉花糖真係唔可以燒太耐，掛住影相打卡燒燶咗幾舊嘥晒🥹燒10秒左右就可以用嚟夾餅乾🍪雖然餐廳提供埋朱古力醬俾我哋配搭，但係個人覺得點埋朱古力醬就避免太甜啦😂體驗吓係唔錯嘅👍🏻好好玩💁🏻♀️Sangria $58
當晚有少少想飲酒，但又唔想飲得太醉，一杯Sangria就啱啱好，呢度條配嘅Sangria味道清爽易入口，酒精濃度唔高而且水果味比較重，適合唔係太飲到濃烈酒精嘅人整體嚟講，餐廳絕對係打卡一流嘅地方，所有菜式都務求令到食客有得食有得玩，價錢嚟講，比起坊間嘅西餐廳會高少少，但係餐廳嘅食物都幾大份，如果多一兩個人share食價錢都唔算太貴，如果想坐得舒服啲而又有主題感的話，呢間餐廳都係一個不錯嘅選擇💁🏻♀️有機會都想lunch time或者tea time嚟試吓佢個set menu，見佢個價錢都幾實惠，而且仲有我幾鍾意食嘅Egg Benedict，下次自己一個嚟使吓都好
張貼
