海港燒鵝海鮮酒家

營業中

休息中

疫情下政府要刺激經濟，大大聲派錢益市民，其實咪又係納稅人嘅錢。消費券生效首天，梗係要慶祝下啦！今晚一行六人，吾使用隔板下享用C區招待，目標是吃龍蝦。今晚酒家算係滿座啦！場地方面，六個人安排了真係一張坐到逼逼的六人桌，空間不夠吃小菜，如果6人比8人枱就加分啦！座位之間空間算足夠。招呼都吾錯。廁所衞生就吾合格了。食物方面，主角是3斤半重龍蝦，上湯煮伊麵底，龍蝦不過不失，但伊麵就碎濕濕，扣分。其次選了一條298蚊的游水星斑，又可惜蒸得熟左少少。再來每人一件椒鹽鮑魚，幾爽口彈牙。晚飯三寶抵食，燒雞吾錯，夾兩小碟前菜，都係百零蚊。最差係咕嚕肉，大排檔都好過佢。埋單剛剛花費一份人的消費券(2000)。消費吃飯事小，最開心是可以跟一班老友飯局吹下水，希望疫情快快完結，吾單止可以6位同桌，係12位...係不受限。