麻辣派對 (金百利廣場) (已結業)

今日同朋友去行sogo，行完搵野食～見到係對面金百利有間麻辣派對，大家都想食辣野就上去試下啦~餐廳有好多花花怖置及裝飾，連碟都係花花型😋我地叫左個前菜同乾鍋🌶麻辣毛肚呢碟係冷盤，毛肚其實即係牛柏葉，好爽口~上面既秘製辣醬辣得過癮！十分開胃，食指大動🌶哥樂山椒雞丁／肥腸／五香豆干／鮮牛肉乾鍋好大碟，叫左一個主食可以另加$10變成雙併~ 我地叫左雙併雞丁／肥腸,，另外再加五香豆干同鮮牛肉做配料~豆干炸得香脆，鮮牛肉都好腍滑~我地叫左小辣，平時食開３小辣既我覺得味道岩岩好~足料、惹味，十分夠分量！