阿爺八鮮鍋 (已結業)

繼上次食完一次後回味無窮， 既然自己買海鮮都唔止呢個價，咁不如今日再去食過啦。今次試芝士雞，難得唔太漏，芝士味又勁香，加埋洋蔥味道一流， 不過今次有經驗，唔敢食得多要留肚食其他正野。今次個刺身又係激鮮，繼續保持驚喜感，個燉湯亦都好滋味，材料十足。 火鍋湯底揀咗椰子配海鮮鴛鴦湯底，好肯定個湯冇味精，椰子湯底椰子味好重，海鮮湯底明顯係由龍蝦淆製。 超級海鮮盒不得了，啲鮑魚鮮到仲爭扎緊，日本元貝大大舊。 其他任食海鮮依然出色，全部無沙石，見到咁新鮮，眼闊肚窄，由初初下下叫全份到最後只好叫半份，因為佢每次俾嘅份量太多了， 搞到試唔到曬全部嘢食，有d可惜。題外話，估唔到今日又見到老細暴龍哥好型咁指指點點員工服務。