蟹仙海鮮蒸氣鍋 (仁愛街) (已結業)

香港人最識食海鮮。今日試下依間主打蒸氣海鮮火鍋既<蟹仙>。揀左<尊貴海鮮套餐>，有九款海鮮。首先放啲餐具蒸一蒸先，夠哂乾淨衛生。之後由侍應幫手放海鮮上去蒸，食完一味再一味，由淡到濃。越南大虎蝦。平時間唔中都會買蝦自己煮，依款比起平時食到既更爽口，更有蝦味。跟住食台灣九孔鮑魚。上菜之前已經處理好啲內臟，一夾就食得。夠鮮甜韓國珍珠蠔。唔會腥，易入口。大西洋青口同紐西蘭刀貝蚌。有驚喜，大大隻，夠爽口，鮮甜而充滿海水味。日本大元貝。相對其他海鮮黎講唔大驚喜，但都好味。澳洲青年龍蝦。 肉質爽口，蒸煮完美保留肉味同膏味，正。食完，個龍蝦殼唔好嘥，放落粥度慢慢煲。饅頭蟹同大黃奄蟹。各有特式，饅頭蟹肉味較濃但無膏，大黃奄蟹大隻得黎肉質嫩滑，鮮甜又有膏。我自己比較中意大黃奄蟹，而朋友就話饅頭蟹味濃夠特別。最後食埋個粥底，吸收哂啲海鮮精華，每一啖都充滿鮮甜海鮮味。甜品椰汁官燕燉雪燕。椰汁味濃，夠滋補。總結，侍應由落單到烹煮都服務周到，蒸海鮮溫度時間掌握得啱啱好，保留海鮮味之餘，唔會整得太韌。食物服務都好滿意。