阿爺八鮮鍋 (已結業)

過左立冬天氣終於涼返少少，又係時候約朋友打邊爐，今日book左呢間位於旺角登打士廣場既阿爺八鮮鍋，餐廳主打任食海鮮雞煲火鍋放題，海鮮超生猛，每位都係$398超值坐低無耐店員就送上一大鍋雞煲同兩盅燉湯，燉湯好夠火侯，配上辣辣地既惹味雞煲就最正，雞煲份量都唔少，雞件啖啖肉好入味，除左兩款美食之外，店員仲送上一客刺身拼盤，三文魚同三文魚腩都係厚切又好肥美✨活海鮮刺身拼盤 食飽飽之後就開始打邊爐啦，店員送上呢個重量級活海鮮刺身拼盤，有原隻龍蝦、游水鮑魚、本地海蟹、帆立貝等等，另外可以追加蟶子皇、海花甲、象拔蚌片等生猛海鮮，龍蝦好新鮮食落好彈牙，鮑魚都好生猛仲識郁，配埋個海鮮湯底打邊爐，鮮味十足✨火鍋配料除左生猛海鮮之外，阿爺八鮮鍋提供多款火鍋配料，有安格斯肥牛同新鮮滑牛肉，連牛黃喉、牛白肉同牛骨髓都可以任食，佢地亦有多款自家製餃類，我就叫左鮮蝦雲吞，皮薄餡靚入面仲有原隻鮮蝦，推介