阿爺八鮮鍋 (已結業)

尋晚肥雞同屋企人去咗試呢間位於旺角登打士廣場嘅阿爺八鮮鍋， 呢間火鍋放題主打海鮮，既然黎到， 就是埋佢個988海鮮拼盤， 魔王西澳龍蝦象拔蚌海立魚刺身拼盤。一嚟到即刻上碗湯畀你先 ，好耐冇飲過住家湯嘅肥雞表示開心舒服，like佢個社交平台同埋share仲送多個沙律菜，抵！ 食呢啲海鮮放題絕對雞煲唔係首要任務， 但係肥雞想講佢個雞煲醬汁真係非常之濃厚同野味花膠有大塊。黎到重頭戲上咗個刺身先， 新鮮爽口彈牙嘅西部用卡上面鋪滿魚籽， 每一啖入口食落去都感受到大海嘅滋味， 仲有個象拔蚌， 肉厚多汁， 新鮮程度唔使講， 而佢嘅海立魚肉身非常之厚實， 配埋刺激嘅芥末豉油， 嗰種口感直衝腦門。 到打邊爐， 個湯底係蕃茄牛腩湯底同星洲蝦米湯底，番茄牛腩有少少辣， 吾錯。 因為刺身嗰度食得太多海鮮， 反而響火鍋方面再食海鮮已經有少少力不從心， 但係佢啲海中蝦都非常之大隻， 鮑魚上到枱仲喺識郁，真系堅新鮮， 安格斯牛小排又係肉質鮮嫩， 唔係畀啲次貨你， 火鍋仲送多個龍蝦鮑魚帶子， 真係食海鮮食到飽。