尚悅軒

營業中

休息中

香港海鮮盛宴：朋友讚不絕口！帶朋友去食海鮮，除咗食材要新鮮，師傅手勢都好重要！今次安排咗間環境寧靜又舒服嘅酒樓，果然冇失禮～🌟油浸筍殼魚一上枱就香到暈！條魚炸得金黃酥脆，時間掌握得啱啱好，魚肉嫩滑到不得了！個汁仲正，鮮味十足，搞到朋友即刻叫碗白飯撈汁食，清晒成碗飯！🌟清蒸長腳蟹原汁原味最考功夫！蟹肉鮮甜到爆，入口即化，完全冇過火。朋友話第一次食到咁正嘅蒸蟹，連蟹腳啲肉都完整咁拆到出嚟，正！🌟蒜蓉開邊蒸龍蝦成斤重嘅龍蝦！鋪滿香噴噴嘅蒜蓉同蔥絲，一上枱就聞到流口水～蝦肉爽彈得嚟又夠嫩，師傅蒸得剛剛好，肉同殼完美分離，一啖落去超滿足！🌟上湯菜苗食完海鮮整碟菜清一清，簡單用蒜頭調味嘅上湯，清新得嚟又帶出菜苗嘅甜味，perfect！今餐真係冇得彈！由油浸到清蒸，每道菜火候都拿捏得準，保留晒海鮮嘅鮮味同口感。朋友食到lam lam脷，大讚師傅手勢了得！連我個嘴刁朋友都話要encore，果然冇介紹錯！