The Farmhouse 咖啡廳

位於北角既香港維港凱悅尚萃酒店既The Farmhouse咖啡廳 全新推出海陸薈萃主題自助餐 當日平日dinner buffet都好爆場 可以由6點食到10點🤤冰鎮海鮮包括麵包蟹 長腳蟹 青口等等 星期五至日更加有波士頓龍蝦供應 即切刺身質素都唔錯 三文魚就比較油香豐腴~熟食最特別莫過於牛肉龍蝦海陸漢堡! 每人可以憑票換一份 大大啖龍蝦肉 加埋漢堡扒同芝士好滿足 如果再juicy點就更加正😋 烤烤區有西冷牛扒同豬鞍 最中意佢個燒羊架 羊肉香同香料味道都好豐富又唔會韌 次次一出爐就好快搶曬 仲有其他中西菜式美食 例如XO醬粉絲蒸扇貝 白酒煮青口 日式天婦羅拉麵等等 整體質素平均唔算特別驚喜甜品區接近大門口有個巨型旋轉雪糕櫃 有十幾款唔同口味自家製gelato 有冧酒提士 芝士蛋糕味等等另外有多款精緻甜品 整體相對上幾出色 特別係朱古力類既蛋糕夠曬濃郁🥰