影片
更多
2024-07-29
127 瀏覽
放工即興想食點心，但又不想去酒樓，便在OpenRice 揾左一輪，揾到龍點心。估唔到尖沙咀有間分店，上次在灣仔食已經超過一年前。於是決定去探店！二人一共點了6個點心，點的都係店內的招牌推介。嘆世界燒賣拼盤一共有六款燒賣，分別是黑蒜帶子燒賣、芝士墨魚燒賣、俄式羅宋燒賣、冬陰功泰辣燒賣、泡菜酸辣燒賣和黑松露真香燒賣。每款各有特色，創意十足！擺盤夠打卡，全都係出面好少食到的口味。個人最鍾意松露和泡菜酸辣味，因為味道有驚喜，好食！龍餃子有4款招牌餃，分別有筍尖蝦餃王、酸菜魚鳳眼餃、松露野菌晶瑩餃及蟹粉菠菜香蝦餃！這籠的賣相更加精美，每粒餃的造型都好靚，顏色配搭豐富。粒粒皮薄餡靚有彈牙蝦肉係入面，鳳眼餃仲有大大三文魚子，真材實料！鳳爪拼金錢肚兩者都炆得好腍，好入味，鳳爪一拆就骨肉分離，醬汁又夠濃，雙拼好貼心，啱晒想食晒2樣野的我。羊肚菌牛肉球這個內裏有乾坤，咬開入面係會爆汁的，有驚喜!!!牛肉球會好粉，係食到粒粒牛肉，而且肉質打得彈牙，再加上淡淡羊肚菌香，簡單中見心思。口水汁龍脷魚腸粉每件腸粉都包裹住一大嚿雪白魚肉，入口真係啖啖肉呀，口水汁的配搭辣辣地好惹味，朋友食唔停口!!!一口鹹水角橙綠色的
二人一共點了6個點心，點的都係店內的招牌推介。
嘆世界燒賣拼盤一共有六款燒賣，分別是黑蒜帶子燒賣、芝士墨魚燒賣、俄式羅宋燒賣、冬陰功泰辣燒賣、泡菜酸辣燒賣和黑松露真香燒賣。每款各有特色，創意十足！擺盤夠打卡，全都係出面好少食到的口味。個人最鍾意松露和泡菜酸辣味，因為味道有驚喜，好食！
龍餃子有4款招牌餃，分別有筍尖蝦餃王、酸菜魚鳳眼餃、松露野菌晶瑩餃及蟹粉菠菜香蝦餃！這籠的賣相更加精美，每粒餃的造型都好靚，顏色配搭豐富。粒粒皮薄餡靚有彈牙蝦肉係入面，鳳眼餃仲有大大三文魚子，真材實料！
鳳爪拼金錢肚兩者都炆得好腍，好入味，鳳爪一拆就骨肉分離，醬汁又夠濃，雙拼好貼心，啱晒想食晒2樣野的我。
羊肚菌牛肉球這個內裏有乾坤，咬開入面係會爆汁的，有驚喜!!!牛肉球會好粉，係食到粒粒牛肉，而且肉質打得彈牙，再加上淡淡羊肚菌香，簡單中見心思。
口水汁龍脷魚腸粉每件腸粉都包裹住一大嚿雪白魚肉，入口真係啖啖肉呀，口水汁的配搭辣辣地好惹味，朋友食唔停口!!!
一口鹹水角橙綠色的配搭已經有心思，糯米粉團入面有豬肉碎、冬菇、沙葛，最鍾意呢種又咸又甜又脆的煙韌口感，大愛呀。其實仲想食埋呢度啲甜品，但因為太飽真係食唔落，唯有留返下一次。
龍點心只有3間分店，睇得出呢間點心店好有heart，無論係裝修或者品牌設計上都花過心思，而且點心係有造型又有味道的高水準出品，作為小店，佢真係做足一百分，值得好好捧場!!!
張貼
