龍點心 (中達大廈)

成日見人post 啲一格格點心，幾得意，又專登去試吓，睇吓得唔得⋯⋯叫咗～拉絲菠蘿包 港式奶茶(凍) 鳳爪拼黑椒金錢肚 三寶套餐 $79 龍遊精選燒賣系列 金牌脆皮乳鴿王拉絲菠蘿包，有温度，個包軟硬度很好，鬆同軟，絲唔係好拉到，但味道不錯。呢個組合唔錯，味道又剛剛好，墊底係紅腰豆～收貨套餐揀咗個燉湯，好足料，而且個温度非常高，熱到辣口～好飲。套餐第二選，揀咗龍蝦汁鮮竹卷，腐皮雖然係炸過，但唔脆口，而腐皮入面啲豬肉，鹹到一個點。套餐第三樣係鳳爪排骨飯，忘記影相，無乜特別，只能夠講，個豉油汁幾特別。燒賣，包裝過，同分咗六種味道，坦白講～一盤，都係傳統好啲。反而佢哋嘅乳鴿幾好食，雖然細隻咗啲，但肉汁保持同味道不錯。回頭度～6/10唔知點解，佢哋凡有豬肉嘅點心都偏向鹹～好鹹，鮮竹卷嘅肉，排骨飯嘅排骨，燒賣啲肉都係好鹹。整體讚嘅係，佢哋啲嘢好一「温度」，有啲酒樓，點心到都全部唔熱，呢度唔會。可以再嚟試其他，但一定唔會叫燒賣。以上純粹個人食後分享，絶無收受任何利益同優惠，亦願意承擔所有責任。…查看更多

位於尖沙咀的「龍點心」，以現代茶樓風格營造出舒適的用餐環境，這次與四位友人前往，滿懷期待地品嚐多款創意點心。整體而言，這是一次味道豐富卻略帶遺憾的體驗，部分菜式令人驚艷，但也有幾道未能達到預期。點心亮點：創意與傳統的碰撞「鹹蛋黃墨魚燒賣」是當日的焦點，鹹蛋黃的濃郁香氣與墨魚的彈牙口感巧妙結合，燒肉的脆皮更添層次，創意十足。「芝士蜂蜜脆皮卷」外皮酥脆，內裡芝士流心與蜂蜜的甜香交融，口感豐富而不膩，值得一試。經典之憾：桂花糕與菠蘿包的不足然而，兩道經典點心卻令人稍感失望。「宮廷桂花糕」外觀晶瑩剔透，可惜甜度過高，桂花的淡雅香氣被糖漿掩蓋，入口後甜膩感久久不散，若能調整糖分比例，更能突顯其清雅風味。「拉絲菠蘿包」外皮不夠鬆軟，口感偏硬，內餡的拉絲效果雖有趣，但整體缺乏菠蘿包應有的空氣感與酥脆外皮，與傳統港式菠蘿包的水準有一定差距。其他菜式表現中規中矩「鳳尾桃多士」炸得金黃酥脆，蝦肉鮮美，但略顯油膩；「一口豆腐」外脆內嫩，蘸喼汁搭配得宜；「牛腩蒸陳村粉」牛腩燉煮軟爛，陳村粉吸附湯汁後風味佳，但整體調味偏咸。飲品「荔枝山竹冰茶」清新解膩，為餐點畫下清爽句點。服務與環境服務生態度友善，上菜速度適中，但茶位費與部分點心定價稍高，需注意性價比。環境寬敞整潔，適合朋友聚餐或家庭聚會。總結「龍點心」在創新點心上展現了獨特風格，值得一試，但經典菜式的細節處理仍有進步空間。若追求創意與多樣性，這裡是不錯的選擇；但若期待傳統點心的極致體驗，或許需斟酌。建議餐廳在甜點與麵食的配方上再作調整，以提升整體平衡感。…查看更多

環境一般，洗手間&洗碗地方太近有點迫難行同濕小朋友老人家要小心食物種類都算多及味道不太咸，但食4人套餐佢1次過出晒食唔切囉！中段有點心已經凍咗了，服務員態度值得一讚個個都有禮貌👍…查看更多

想簡單吃點心，便走進了尖沙咀的龍點心。一個人也要好好吃飯，所以特地點了幾樣自己最愛的經典港點。厚切叉燒腸粉果然名不虛傳，腸粉皮滑得剛剛好，叉燒不是一般的碎肉，而是厚切帶點焦香的蜜味叉燒，搭配店家的豉油，口感層次豐富。筍尖蝦餃皇晶瑩剔透，蝦仁爽口彈牙，筍尖提升了整體鮮味，不會單調。燒賣也很有水準，豬肉鮮甜不膩口，咬下去還帶點湯汁感。最後是紅燒乳鴿，皮酥肉嫩，味道香濃但不過咸，配點檸檬一起吃，解膩之餘還多一份層次。整體來說，出品穩定、上菜快，服務有禮，適合想簡單吃點心或一個人用餐的日子。價錢在尖沙咀區算是合理，CP值不錯。會再來試其他點心！…查看更多

無得online booking但去到都無咩人等位。呢度主打fusion 點心，啲款都真係幾特別，但係識唔識欣賞呢？就真係見仁見智啦🤣🤣🤣🤣價錢唔算平，四個人叫咗六樣嘢連茶錢都要350埋單。但係講緊係，大家都未係食得好飽🙂‍↔️個人認為try過一次就夠啦，都係去返傳統茶樓飲茶算🤓…查看更多

朋友帶我去此點心餐廳，原來頗受講普通話的遊客歡迎。因朋友已訂檯，剛好有客離去，我們亦早到，職員讓我們進入 ;  却惹來在門外正排隊講普通話的客人投訴。直至職員回應我們早已訂了檯🙋‍♀️🙋，彼等人才收聲😅。全場確是滿座，惟冷氣確實不足，我和隔鄰檯一名客人各自取出自擕扇不停撥，才涼些。坦白說，現在只是5月尾而已，那七、八月時🙄🙄🙄🙄🙄。二行人的我們叫了:超值價原隻紅燒乳鴒 $32.8龍餃子 $50鳳尾蝦多士 $56龍炸拼 $78蟹粉菠菜香蝦餃 (原價 $58，因有一籠點心免費卷，故此免費)紅燒乳鴒確實香口、juicy、肉滑，推介 ; 蝦餃皮薄有蝦味😋，滿分👍!  惟其他點心只是一般而已😅。蝦多士的麵包少許偏油，應該需要翻炸一次，逼返 d 油出來才可以🙄! 蘿蔔絲酥餅內的蘿蔔絲不甜，內有些黃色的物料不知是什麼來的，既不香又無味🥵! 這是我吃過最差的蘿蔔絲酥餅😛! 另最敗畢的是類似芋頭餅的點心，既乾且"鞋"，餅內吐有饀料但也不知吃緊什麼，最後也棄食了。茶位每人各$15，原來是茶包沖泡，我們叫了烏龍。茶壺是靚的 ; 惟茶味淡，與無味的茶緊差一步😅。聽朋友介紹其湯出名，我們沒有試了🙋! 老實說，價錢也不平。除了紅燒乳鴒和蝦餃，其餘點心也沒有留下深刻印象了😅。尤其全場最貴 ( $58) 的蟹粉菠菜香蝦餃  (幸好有一張限一客的免費點心卷)，既吃不出蟹粉更吃不到菠菜的香味😅🙋‍♀️!   我真的不懂欣賞🙄?!…查看更多

🐲龍點心🫖 朋友生日飯話想食點心，就黎咗呢間新式點心店。要食得精明，我哋就系OpenRice 買左套餐卷，大約都有75折，仲可以即買即用都幾方便。👍🏻👍🏻上餐速度都好快，唔洗十分鐘已經放滿了成枱熱辣辣香噴噴的點心。😍😍一龍大滿足😋😋有六款唔同的點心, 色彩繽紛，真是秀色可餐，😋十分適合打卡🤳味道方面都很特別，鹹蛋黃墨魚燒賣，酸菜魚鳳眼餃，衝擊味蕾，大滿足。🥰🥰松露野菌水晶餃🤩淺紫色水晶皮包住各種菇菌，食落好香松露味。😱😱脆脆紅米腸粉😋熱辣辣，脆卜卜，入面嘅蝦滑夠哂彈牙。🥰🥰肉鬆馬拉糕😍😍超級鬆軟，加上面頭嘅肉鬆，咸咸甜甜，簡直係perfect match 😋笑口叉燒包，流心奶黃包😍包嘅質地好柔軟，奶黃好流心，記住趁熱食👍🏻👍🏻宮廷桂花糕🌹🌹玫瑰花形嘅桂花糕，十分吸眼😍😍入面仲見到有一粒粒桂花🤩好香，口感Q彈，又唔會太甜👍🏻👍🏻仲有好多各式各樣嘅精美點心，大人細路都好滿足。如果食厭咗傳統酒樓，呢間新式點心店真係一個唔錯嘅選擇。…查看更多

每次經過見到都大排長龍嘅龍點心。今日終於試到了！ 果然冇令人失望。必點招牌「一龍大満足」和「龍記六寶」。一龍大滿足有：咸蛋黄墨鱼燒賣斑斕麻蓉桃子酸菜鱼鳳眼餃筍尖蝦餃皇蟹粉菠菜香蝦餃松露野菌晶莹餃龍記六寶有：黑松露珍香燒賣蜆蚧魚肉燒賣星加坡黑胡椒蟹燒賣香辣雞軟骨燒賣冬陰功泰辣燒賣十年陳皮牛肉燒賣每款都風味獨特，驚喜度100分！另外一口咸水角、拉絲菠蘿包同脆脆富貴紅米同脆脆富貴紅米腸粉都非常出色。一定要試！ …查看更多

之前喺觀塘舖頭食過，印象好好啊，今日經過尖沙咀又再試吓，之前睇過有啲comment話位經理好唔掂，今日就坐喺收銀處隔離，大家D customers service 還可以啦,叫咗一壺烏龍茶，好飲呀，食物水準都保持返咁上下，係鹹咗啲，遊客區算係咁啦，經理臨走嗰陣同我講多謝晒添，大家講多幾句唔該，人哋都服務得開心啲。 …查看更多

星期五晚收工去開茶，依間明顯遊客居多。6 點左右，唔駛等位，效率可以。食品出品大致跟銅鑼灣果間差不多，只是伙記的親和度的確給銅鑼灣店比下去。不過，確實沒有遇到其他食客提及的無禮貌經理。當晚用餐後我要服用中藥，問侍應攞熱水（開藥）都無問題。整體用餐體驗可以，有機會會再嚟。註：Open Rice 通知我此集團有《試食》活動，可惜我無份享受。…查看更多

龍點心我去開灣仔店，今晚路經尖沙咀店諗住食過晚餐，入面好多講國語既遊客。 食品應該係工場一齊出，所以差不多質素。 今次想講嘅係個服務， 一般店員係冇問題嘅，係個著住西裝以為自己好有型嘅經理，態度囂張，問佢嘢時眼神帶點藐視。其實好好答一句又有幾難呢，咁嘅服務態度佢覺得自己好高級咩， 食店請著呢啲人執笠其實一啲幾唔出奇， 如果唔係佢喺正尖沙咀遊客區，相信呢間嘢都好難生存。…查看更多

服務：侍應有禮貌，經理沒有，還邊上菜邊說：「快D啦，凍晒唔好食啦！」我桌上只有一道點心和非常熱的湯，菜都未上齊就催客🙈我拍照有time stamp 的 😕菜放兩分鐘就「凍晒唔好食」，明顯是因為這道菜本身唔好食環境：位置寬敞舒服，間中聞到煙味，但找不到來源🤔菜品：上菜頗快的，估計是預制蝦多士：十分香脆，蝦尚可，整體好吃湯：熱騰騰沒有味精，足料，菜膽和豬肺都軟綿綿的，味道不錯瘦豬肉比較老，我牙口不好有點累 🥲四色餃：熱騰騰上桌，但皮都黏著蒸籠了😂要小心地夾出來😂松露和原味好吃，菠菜餃也新鮮腸粉：龍利魚和腸粉的配搭一般般，也許是魚不夠滑和腸粉太厚皮 😂不能吃辣的朋友應該覺得頗辣，很能吃辣的我覺得剛好本來在思考要不要多點個菠蘿包（因為沒吃飽），但經理這態度，還是不了…查看更多

呢間點心想試好耐今次星期六晚黎到等左一陣先入到叫左點心拼盤咩都可以試下試枱好打卡able!樣樣都好唔錯！不過燒賣就唔係好食到鹹蛋黃味下次會想試下佢個燒賣拼盤！西蘭花苗煮得好淋，上面好多薑食點心都要食下菜呀！一口鹹水角都好食！個造型幾得意！兩粒咁串住芝士菠蘿包入面真係拉絲要趁熱食凍左就唔拉芝啦！紅米卷唔係香港度度都食到！脆卜卜好正！唔洗返深圳都食到！最後叫多咗個鳳爪排骨飯都唔錯！埋單兩個人三百幾蚊，尖沙咀物價黎講算係咁！…查看更多

#20241112 🤍📍 #龍點心 @lungdimsum 尖沙咀海防道38-40號中達大廈1樓 🍽️觀塘觀塘道398-402號Eastcore 1樓4號舖灣仔軒尼詩道216-218號地下A&B號舖➖➖➖➖➖➖➖➖➖➖➖➖➖➖➖➖➖#茶芥 $12/位.#翡翠響鈴腸粉 $48💭 模仿炸兩既做法，將入面個油炸鬼變左做響鈴，出面再用綠色既腸粉皮包住，但響鈴比油炸鬼更乾身，點醬並無改善到乾既口感，點流質既汁應該會好啲，不過用日式芝麻醬而唔用傳統麻醬is a nice try🙂.#一龍大滿足 $70 🥢 #酸菜魚鳳眼餃 #鹹蛋黃墨魚燒賣 #蟹粉菠菜香蝦餃 #松露野菌晶瑩餃 #筍尖蝦餃皇 #斑蘭麻蓉桃子 💭 極度欣賞呢度可以一大籠每樣一粒既叫法，就算一個人都可以試晒咁多味，菠菜蟹粉好種菠菜但無乜蟹味，鹹蛋黃一咬會爆汁要小心食，松露餃同酸菜魚餃都超重味，矇住眼都食得出🤪.#歎世界2點0燒賣拼盤 $70 🥢 #德國鹹豬手燒賣 #中國金華火腿燒賣 #西班牙辣肉腸燒賣 #印度黃咖喱燒賣 #日式鰻魚燒賣 #星加坡黑胡椒蟹燒賣 💭 有得叫拼盤都未係最抵讚，最正係佢啲拼盤入面啲野唔會overlap咁先friendly丫嘛👍🏼身為香港人都唔知原來燒賣可以有咁多整法，樣樣望落都奇奇怪怪咁，但食落又幾夾，每粒都對得住個名，係唯獨個胡椒蟹無咩蟹味，反而似板燒雞腿包陣味，不過總括都一試無妨既🤗.#肉鬆馬拉糕 $38💭 呢個最特別既地方都只不過係一個普通既馬拉糕面頭多左啲肉鬆，係個糕入面係無既，而且個糕食落亦比較實，唔夠鬆軟，老實講就係可以skip左唔使試😓.#羊肚菌牛肉球 $46💭 同平時啲牛肉球都幾唔同，首先佢口感係平時果啲咁爽口，面頭有塊羊肚菌代替左山竹，但索唔到喼汁既味，牛肉球入面有啲醬，芫荽味都好重，鐘唔鐘意食真係見仁見智喇🌿.#龍炸拼 $78 🥢 #龍芋酥 #一口鹹水角 #大澳蝦醬鮮魷卷 #蘿蔔絲酥 💭 最後一個拼盤全部都係炸野，芋頭酥入面好香芋頭味，食落有啲漿口，鹹水角同蘿蔔絲酥就同平時酒樓食果啲差唔多，蝦醬鮮魷卷亦唔多食到蝦醬味，同埋呢碟野每款有兩件，自己一個食就未必叫到喇🤔.#🐷在尖沙咀 #🐷在觀塘 #🐷在灣仔 #🐷_食 …查看更多

With 3 outlets in HK, @lungdimsum stands out for their colourful and innovative dim sum, popular among the young adults and tourists. Even on a weekday morning, they are fully crowded by 9am.Siu mai platter was their signature dish, consisting of 6 different flavours from Singapore, China, Japan, Spain, Germany and India. Each have their own distinct flavours: spicy, flavourful and juicy. Dim sum combo was something similar to platter, comes with a piece each of their recommended dim sum. Every piece was prepared exquisitely, with their dumplings juicy and thin in texture.Sponge cake with pork floss was a new creation dish, soft and fluffy, served warm. Osmanthus jelly was sweet and smooth in texture.…查看更多