Turtle by the Sea

營業中

休息中

今次去西貢位於海邊嘅西餐廳， 地點位置相當方便， 一落巴士站行出去海邊就會見到。 首先環境已經相當休閒舒適， 因為有帶小動物過嚟所以可以坐返outdoor， 而家嘅天氣真係非常之舒服，坐位同坐位之間都好寬敞非常有空間感。 食物質素方面亦都好有水準， 絕對係休閒帶埋主子一齊chill足一個下午嘅好去處！推薦呢一款燒春雞非常香口，裏面有好多香草同埋蒜頭一齊烹調， 肉質非常鮮嫩。三文魚鮮果沙律，賣相一睇就已經相當討好，而且有好多種鮮果都非常新鮮。調酒師特別調配 cocktail，Vodka, 巨鋒提子liquor, 佛手柑， 蛋白，Prosecco，口感相當豐富同清新。呢杯係special drink ，由調酒師發板 ，裡面有Marcarita, 雜莓汁， 相當重嘅cranberry， 顏色非常之靚添。唔知道係唔係因為見到有帶小狗喺度，所以呢杯cappuccino都有小動物拉花😆😆水牛芝士pizza 佢係一種薄批，口感非常之脆， 而且芝士味好香濃。黑松露蛋黃薯條， 黑松露味非常之突出，但係蛋黃味就品嚐到，但係薯條炸得非常之香脆！分量都好多，伴酒一流。