影片
更多
2021-10-27
1041 瀏覽
之前食過源峰期間限定嘅和牛盛宴，對超大塊嘅火炙和牛肉眼海膽壽司念念不忘！ 今次又兩姊妹黎豪食 一試海膽饗宴，二人套餐有齊前菜、刺身、燒物、壽司、揚物、麵、甜品。四人饗宴仲會送上自家品牌清酒。餐廳由日本廚師主理，坐擁著城門河和沙田石門靚景，更設有間隔嘅房間，好有自己嘅私人空間，係同朋友靜靜地傾下計嘅好地方。二人鮮味海膽共聚晚宴 $33801️⃣鮮腐皮溫泉蛋海膽海膽甘香鮮甜，鮮腐皮軟滑帶豆香，更有鹹香黑魚子作點綴。溫泉蛋煮得岩岩好，蛋白軟嫩蛋黃濃稠。篤爆蛋黃撈均食，滑溜不失鹹香鮮味。2️⃣中吞拿魚腩 油甘魚 海膽刺身 縞鰺薄切四款刺身都富油脂鮮味。我就最鍾意鮮甜creamy嘅海膽，食落完全唔腥。吞拿魚厚切無筋，軟嫩帶油脂香，未到入口即融 但幾乎無須咀嚼。3️⃣伊勢龍蝦海膽燒龍蝦塗上秘製醬汁再烤至焦香，仲要拆埋肉，啱晒我呢啲懶人。食落啖啖肉超爽！龍蝦肉彈牙，火炙後嘅海膽更軟滑，龍蝦同海膽鮮味更濃更突出。估唔到原來成個龍蝦殼都舖滿海膽！份量十足！最後食埋粒香甜栗子，可以沖淡番油膩感。4️⃣秋野菜天婦羅野菜天婦羅有幾款唔同嘅菇、無花果、銀杏。天婦羅炸皮薄脆，食落一啲都唔油膩。菇爽口，銀杏煙韌香甜。最特別莫過於無
餐廳由日本廚師主理，坐擁著城門河和沙田石門靚景，更設有間隔嘅房間，好有自己嘅私人空間，係同朋友靜靜地傾下計嘅好地方。
二人鮮味海膽共聚晚宴 $3380
1️⃣鮮腐皮溫泉蛋海膽
海膽甘香鮮甜，鮮腐皮軟滑帶豆香，更有鹹香黑魚子作點綴。溫泉蛋煮得岩岩好，蛋白軟嫩蛋黃濃稠。篤爆蛋黃撈均食，滑溜不失鹹香鮮味。
2️⃣中吞拿魚腩 油甘魚 海膽刺身 縞鰺薄切
四款刺身都富油脂鮮味。我就最鍾意鮮甜creamy嘅海膽，食落完全唔腥。吞拿魚厚切無筋，軟嫩帶油脂香，未到入口即融 但幾乎無須咀嚼。
3️⃣伊勢龍蝦海膽燒
龍蝦塗上秘製醬汁再烤至焦香，仲要拆埋肉，啱晒我呢啲懶人。食落啖啖肉超爽！龍蝦肉彈牙，火炙後嘅海膽更軟滑，龍蝦同海膽鮮味更濃更突出。估唔到原來成個龍蝦殼都舖滿海膽！份量十足！最後食埋粒香甜栗子，可以沖淡番油膩感。
4️⃣秋野菜天婦羅
野菜天婦羅有幾款唔同嘅菇、無花果、銀杏。天婦羅炸皮薄脆，食落一啲都唔油膩。菇爽口，銀杏煙韌香甜。最特別莫過於無花果，外脆內軟，酸甜多汁。
連後面用裝飾嘅米都食得！口感同爆谷有幾分相似~
5️⃣特選海膽壽司
一次過試匀四款海膽：鹽水海膽、北海道馬糞海膽、紫海膽、昆布漬海膽。同家姐一致認為鹽水海膽最好食！以鹽水浸泡，鮮味最得以保持。膽肉瓣塊肥厚飽滿，食落好rich呢~ 北海道馬糞海膽雖瓣塊較小，但最為鮮甜。
6️⃣和牛素麵
望落平平無奇，但食落有驚喜喎！湯底好清，飲落好舒服，可以沖淡之前食左咁多海膽油膩嘅感覺。和牛軟腍，肉味濃郁，香甜滋味。幼麵軟硬適中帶嚼勁，輕鬆KO成碗。
7️⃣水信玄餅
水信玄餅晶瑩剔透，有靚靚櫻花係入面。口感滑溜，入口即化，全賴黃豆粉同黑蜜糖調味。焙茶布甸軟滑，茶香十足，甜度低，好食！
8️⃣氣泡雞尾酒
整體嚟講，海膽真心高質！仲可以一次品嚐多種海膽，海膽控表示滿足。除左最基本嘅刺身、壽司，仲有燒物同揚物，女仔應該食得飽~ 環境舒適，好適合幾個朋友相聚或情侶慶祝。
張貼
