但位置離地鐵站有段距離，由鑽石山站行約15分鐘，下次黎想去附近釣完蝦去，咁就可以係一日放假行程，正!
餐廳以海膽創唔少料理，例如炒飯、海膽魚丸同海膽豆腐…… 除非另外叫，否則近期所點既菜式都會比加拿大海膽。
🔸倍化帶子吞海膽 $98 ‼️推薦‼️
上台已經好吸睛，白雪雪既帶子包著泥黃色既海膽。男人要一口食晒都有難道，帶子肉厚鮮甜同濃郁既海膽互相沖激，有種幸福滿滿既感覺。但可能掛著打卡，紫菜好快就淋左。
🔸甲羅燒配法包 $68
秋天又到食蟹既季節，甲羅燒食落綿密濃醇，帶少量蟹肉絲，拌埋生鵪鶉蛋，成件事level up。
晚市定食set，會包沙律同麵豉湯，最平 $128都有，好抵食! 麵豉湯足料好飲!
🔸刺身定食$128 ‼️推薦‼️
有7款刺身，每款2件，每件都厚切，蝦有成隻手掌咁長，性價比高。特別推薦有赤身同希靈魚，赤身肉質柔軟冇筋，入口魚味濃烈，希靈魚肉爽脆帶少少鮮咸。
🔸海膽三色丼 $138
有大約半板海膽 (剩叫一底要是$288)、吞拿魚蓉同大粒魚籽，食落冇腥味，唔建議拌太多醬油同wasabi，會蓋過海膽既鮮味。
🔸壽司定食 $128
師傅已經排列好進食次序，由淡味淺色既蝦開始食，到濃味既海膽軍艦，到最後有清新帶少甜味既小卷作總結(有啲飯後甜品既意思)。醋飯調味OK，可惜握得有啲實。
🔸沖繩生啤 $28
🔸木村水蜜桃味汁 $22
。
