丼瀛 (已結業)

蒲燒原條鰻魚爆丼($128)，份量都幾多，蒲燒汁味道較得岩岩好，鰻魚冇乜魚骨刀工唔錯，肉既口感帶點煙韌我好鐘意，仲有隻滑滑既蛋，蛋黃帶點半流心。北海道海膽雜錦爆丼($178)，刺身選材好新鮮，色澤鮮明唔暗淡，而且仲會比魚腩部位，海膽係最正，非常清甜而不苦澀，有驚喜，同樣會有半流心蛋。牡丹蝦($78)，共有4隻，牡丹蝦如果新鮮食落會有黏住黏住口感，而佢亦做得到，證明食材不錯。炸軟殼蟹天婦羅($58)，好脆口，食炸物唔沾任何醬係最好食，因為醬汁有水份，會令到炸粉漿變腍，食落影響口感。蟹肉蟹膏軍艦($28)，一啖放晒入口，滿口蟹膏味，好香濃。炸蝦卷($32)，共有3件，炸蝦夠脆，面層明太子咬爆去可以增加口感感覺。