祥仔辣辣 (海運大廈) (已結業)

祥仔辣辣外賣 1 招牌酸菜魚午市套餐 HKD 138（尖沙咀限定）尖沙咀店推出嘅招牌午市套餐主食可以選擇米線或拉麵，共有3款：酸菜魚，水煮魚及水煮牛。今次食嘅係酸菜魚拉麵，呢到嘅拉麵食落嘅口感爽滑，冇睇清楚以為自己食緊米線，感覺幾有趣，本以為拉麵會吸下湯，但食落又唔太覺。湯底嘅酸同辣相互平衡，但香味方面就稍稍遜色。魚片方面，份量及嫩滑度都可以，但魚片可以再處理得好啲，食到有淡水魚嘅泥腥味。套餐仲有3款小食送，呢到係午餐肉，青瓜，白切肉。共有6款小食可以選擇，其餘3款係豬耳，木耳，雞珍。成個套餐用埋優惠卷，平均落嚟要HKD 7X ,都算會飽肚，不過不失。