Dan Ryan's Chicago Grill (海運大廈)

營業中

休息中

閒日請半日假陪父母出下街，佢地想搭下渡海小輪，吹下海風再過尖沙咀海港城行下街、食下飯。行左陣佢地就見到Dan Ryan，話餐廳差唔多同海港城並存咗咁耐，好有代表性，亦好有回憶所以想去食。見有CHICAGO SET即係一人自選餐，但美式食物份量大，兩份set都夠三個人食。周打蜆湯 香滑濃稠有蜆肉。蔬菜清爽新鮮。超鍾意作佢地個麵包籃，有我最愛食嘅鬆餅！好多合桃肉喺入面好正！慢烤美國進口BB豬排骨（半份） $328啲肉好腍又入味，啖喺嫩肉。拌碟仲有令人食唔停嘅薯條、同減膩嘅椰菜沙律。平時唔食煎炸野嘅媽媽竟然話想食炸魚，又真係幾大塊又香口嘅！炸皮唔會太厚，魚肉又滑，點埋櫻桃辣椒他他醬真係好惹味。拌碟仲有薯條。DESSERT 有得揀美式雪糕新地或Brownie，我地就各一，真係滿足晒。