CHIMAC (天星碼頭)

營業中

休息中

去中環碼頭搭船去尖沙咀，次次都會經過呢間CHIMAC。主要食韓國菜嘅炸雞。今日未食晏就有機會係度試吓。炸雞有好多款口味，原味、芝士、甜辣、芥末沙律、避風塘、香辣真係乜都有，我都係鍾意傳統嘅蔥蒜醬油炸雞，咸咸香香。仲可以加配唔同嘅小食。我怕唔夠飽就加多個韓國全州口味醬油豬手蛋包飯，記得之前係淨係豬手飯，而家就多咗蛋包飯，豐富咗。豬手一樣係咁淋咁入味。其實仲有其他韓式食物好似辣炒年糕呢啲不過留返下次再食。