Tom Bar & Grill

營業中

休息中

之前都講過科學園係美食沙漠，有相對好食既野已經要感恩。呢間Bar & Grill 都多人食，午餐時間經常爆滿。睇住個餐牌，其實會發現有中有西有泰菜，通常咩都煮就即係冇樣精，望落都唔知點揀好彩環視四周，十個有九個點泰式野，咁就落左個泰式海南雞同泰式牛仔骨。海南雞一上菜，望落賣相ok, 雞有胸有脾位，去骨，而且油份充足，食落嫩滑有雞味。油飯就冇咩特別，較乾身，唔多香口，真係配菜黎。沾雞醬就係正常嗰三種，唔太特別，整個餐都係隻雞夠出色。牛仔骨就冇咩特別，燒得唔多夠香口，似係翻熱淋汁就算，誠意冇乜，可以不試。坐位喺科學園入面叫舒服，價位也不太高，不過要早少少去到，以免冇位向隅，附近係冇另一間餐廳你選擇的。