Odelice! (海之戀商場)

營業中

休息中

為慶祝寶貝仔最尾一年做小學雞，開學日當然要去食餐好既。前幾年寶貝仔太細個，唔可以乖乖坐定定享受美食，家陣大個仔終於可以陪我慢慢食豐富既法國餐。晚市2人套餐有2個餐湯+2個前菜+2個主菜。餐湯冇得選擇但前菜有8款可以選擇；寶貝仔選左佢鐘意既海鮮 - 空運黑青口；我就選左比較特別既生牛肉他他漢堡。黑青口雖然體積唔算好大隻，但肉質好鮮甜，每隻都帶有淡淡既海水味。生牛肉他他漢堡，碎牛肉伴上切碎酸黃瓜及洋蔥，配埋新鮮蛋黃，口感豐富亦能食出食物既原汁原味。而主菜方面，食肉獸既寶貝仔點左阿根廷安格斯牛脊肉；我就要左更加邪惡既煎鵝肝配油封鴨腿意粉。牛脊肉搭配蘆筍同燒薯仔粒，再沾上鴨汗砵酒醬汁，簡直係完美既配搭。香煎鵝肝有一股非常誘人既香味，入口即溶，細膩滑潤，再配埋油封鴨腿，絕對令人食慾大增。