臺北棧 (形點 I)

營業中

休息中

之前食過check in Taipei 海港城店，已經超鐘意，聽講佢間間店嘅裝修風格都唔同，梗係要逐間店體驗吓，元朗分店系以臺灣海岸線作為靈感，設計成粉紅小山丘同藍色海浪主題，用咗波浪型漸變藍色染布扮海浪，非常浪漫。招牌牛肉麵有好幾款牛肉麵，仲可以揀麵底，簡簡單單我哋試吓招牌牛肉麵，我地揀左刀削麵，佢嘅牛肉好夠冧又入味，肉質嫩滑而且冇渣，牛肉湯底入口鮮甜好濃郁，配咗魚豆腐，面頭仲有d 炸過嘅蟲草花，好鐘意刀削麵嘅彈牙口感，扎實Q彈。松露玉米起司蛋餅賣相唔錯，爆醬芝士餡，一啖咬落去食到好多粟米粒粒，口感層次豐富。鹹蛋黃芋泥球一份有五粒，紫紅色嘅賣相，打卡一流！炸得外脆內軟，鹹蛋黃好邪惡，好在佢以芋泥為主，甜度適中。Oreo奶奶麻薯淺藍色蝶豆花色嘅麻薯，打卡必點！用筷子將麻薯同Oreo混合再夾成細塊。麻薯入口有冰涼感，軟糯Q軟，將佢混合Oreo脆脆食，口感層次豐富。綠豆沙豆乳綠豆沙溶入豆乳出現漸變色超美，綠豆沙口感細膩，同豆乳好夾。宇治抹茶牛乳朋友飲呢杯都話好味，抹茶味突出，牛乳細膩順滑。