La Crêperie (鉅芝樓)

營業中

休息中

Bon appetit! 想享受平民一啲嘅法國餐？咁你一定要嚟La Creperie!身為crepe 控，一見到呢間餐廳主打crepe嘅菜式，我二話不說，即刻約朋友試食呢間餐廳。一入餐廳，有位侍應好快招呼我哋，並安排我哋坐窗邊位。餐廳嘅佈置好有法國風味，加上餐廳內播放法國音樂，恍如置身法國（因疫情關係，冇得出外旅遊，唯有用啲想像力😂）。我哋叫咗個二人套餐，套餐包前菜、主菜及兩款甜品。前菜我哋揀咗龍蝦沙律。龍蝦肉質彈牙，加上檸檬汁，令龍蝦嘅鮮味更加突出。主菜我哋嗌左個帶子白汁意粉。帶子嘅生熟程度適中，非常好吃。當你以為前面兩道菜已經夠特別時，甜品先係成餐飯嘅重點！我哋叫咗兩款sweet crepe，其中一款係flamed with cointreau。侍應用純熟嘅手法將火焰倒落crepe上面，嗰刻嘅心情同啲火焰一樣咁澎湃🤣。除咗每個人嚟呢一間餐廳都要至少叫一樣嘢之外，我諗唔到呢間餐廳有啲咩缺點。😋