影片
更多
2023-01-17
1440 瀏覽
2023年1月11日 星期三今晚又係久違嘅二人拍拖日，預先預約咗一間係金鐘嘅餐廳，放工就約左老婆係香港公園行一陣先，之後再去到餐廳食飯餐廳位於香港公園裡面，附近有湖泊同流水，可惜當時已入夜，比較難睇到景色，如果日頭黎既話一定會好靚餐廳裡面既裝修都好有特色，用左暖色系既牆紙同地板，感覺好舒適，而且光線好柔和餐牌上面都有幾多食物可以選擇，而且價錢係金鐘黎講唔算太貴，最後我哋揀左兩個沙律同兩個主菜，店員回覆話一定夠兩個人食一點完餐之後店員就送上餐包同醬汁，餐包分別有麵包條同堅果包，麵包條好脆身，好似食緊百力支咁脆卜卜，而堅果包就每啖都食到堅果，麵包好腍好軟熟，點埋橄欖油同醋味道更加豐富之後就有牛油果芒果大蝦沙律，有好多配料，牛油果同芒果都好新鮮，芒果酸酸甜甜幾開胃，大蝦好彈牙爽口，加埋沙律醬一齊食更加滋味另一份沙律就係Parma ham配哈蜜瓜，哈密瓜幾清甜，配埋鹹香既Parma ham就更加夾，未食主菜都已經飽飽地輪到主菜出場，呢個係Duck Confit，即是油封鴨髀，外皮炸得好香口，但裡面既肉仲係好嫩滑，加上肉煮到一叉就拆開晒，進食好方便另一個主菜就係烤豬扒，豬扒厚身得黎肉汁一切就流出
今晚又係久違嘅二人拍拖日，預先預約咗一間係金鐘嘅餐廳，放工就約左老婆係香港公園行一陣先，之後再去到餐廳食飯
餐廳位於香港公園裡面，附近有湖泊同流水，可惜當時已入夜，比較難睇到景色，如果日頭黎既話一定會好靚
餐廳裡面既裝修都好有特色，用左暖色系既牆紙同地板，感覺好舒適，而且光線好柔和
餐牌上面都有幾多食物可以選擇，而且價錢係金鐘黎講唔算太貴，最後我哋揀左兩個沙律同兩個主菜，店員回覆話一定夠兩個人食
一點完餐之後店員就送上餐包同醬汁，餐包分別有麵包條同堅果包，麵包條好脆身，好似食緊百力支咁脆卜卜，而堅果包就每啖都食到堅果，麵包好腍好軟熟，點埋橄欖油同醋味道更加豐富
之後就有牛油果芒果大蝦沙律，有好多配料，牛油果同芒果都好新鮮，芒果酸酸甜甜幾開胃，大蝦好彈牙爽口，加埋沙律醬一齊食更加滋味
另一份沙律就係Parma ham配哈蜜瓜，哈密瓜幾清甜，配埋鹹香既Parma ham就更加夾，未食主菜都已經飽飽地
輪到主菜出場，呢個係Duck Confit，即是油封鴨髀，外皮炸得好香口，但裡面既肉仲係好嫩滑，加上肉煮到一叉就拆開晒，進食好方便
另一個主菜就係烤豬扒，豬扒厚身得黎肉汁一切就流出嚟，生熟程度岩岩好，唔會太韌，好入味，配埋醬汁一齊食完全係配合晒，我哋極速已經清碟，強烈推薦！！
埋單每人大約三百幾蚊，下次再嚟既話一定要揀中午時段，咁就可以欣賞埋出面既風景
張貼
