INN - I’m Not Nothing

營業中

休息中

餐廳歐陸風格，牆有掛畫，四周放置不少花，仲有水晶燈，配上輕柔音樂，整個環境氣氛都超好，令人好舒服放鬆。好彩有預先預約，平日晚餐時段都滿場，餐廳大約有4/50個座位，2人慶祝/多人聚餐都相當合適。食物質素高，份量大。服務都好好，親切有禮。✨香辣蕃茄煮新鮮青口伴香脆酸麵包多士 $168 👍🏻👍🏻👍🏻要大讚酸麵包多士，令成道菜更加出色，有4塊，口感好好外脆內軟，配埋蕃茄汁，簡直完美。青口新鮮處理得乾淨，蕃茄汁非常香濃足料，酸甜剛好，帶上少少辣好惹味。✨燒美國去骨野雞仔伴檸檬牛油汁 $218 👍🏻👍🏻👍🏻呢隻雞仔份量大大，最開心係去哂大部份骨，啖啖肉，雞皮滿滿香料，香氣四溢，表皮燒到香脆，切開入面好多肉汁，口感嫩滑，完全唔乾嚡，配上檸檬牛油汁，添加清新。軟滑薯蓉配埋個汁食，都一樣好夾好味。焗蕃茄好甜好正，熱辣辣，一咬爆汁。✨香蕉榛子朱古力忌廉班戟 $88 👍🏻👍🏻👍🏻擺盤精美吹料，有烘乾橙片和薄荷葉點綴，搭配新鮮士多啤梨和香蕉，軟綿綿既Crepes包住滿滿榛子醬同香蕉，竟然做到甜而又膩，食完好滿足。