Starò

營業中

休息中

尖沙咀依間「Starò」餐廳主打浪漫宇宙、星光夜空主題，環境好靚，啱曬追求儀式感嘅大家，星空藍嘅燈光配上亮白色月球吊椅，搞到我都忍唔住喺店門打卡！店內設有半球型星空卡位，卡座上掛滿LED燈，彷彿有好多閃亮亮嘅小星星懸掛於星空，滿佈整間餐廳每一個小角落，此外，餐桌上擺有月球燈，餐牌設計亦加入咗星空夜光燈，真係好有心思。*此餐廳收取加一服務費。鮮拆龍蝦手工闊條麵（單點$338），即拆半邊龍蝦食落好新鮮，廚師好細心，已將龍蝦鉗去殻拆肉，龍蝦肉質爽彈，味道鮮甜，自家製手工闊條麵口感煙韌，容易掛汁，略嫌份量比較少，龍蝦汁味道鹹鮮，配料包括有蘑菇。巴馬火腿肉醬水牛芝士火焰餃子手工薄餅（單點$138），即點即焗，需要趁熱食，薄餅皮口感外脆內軟，食落帶點小麥麵粉、焦香味道，薄餅餡料包括有巴馬火腿、燉牛肉碎、水牛芝士、番茄醬，味道鹹香。