韓泰太

營業中

休息中

週末特登約咗朋友去流浮山一間餐廳打卡，3層高小屋外牆畫左巨型希臘女神像，好有藝術氣息。室内簡約設計，以藍白色為主，室外草地景色用餐環境好chill。一入去已經見到2個大大瓦缸，記得一定點窯雞，餐廳用左古法窯燒，將整隻雞放入瓦缸中燒烤，雞皮烤得香脆，肉質嫩滑，咬落去好多汁。晚市$278/人，任食燒烤、任飲汽水，仲有窯雞食，限時120分鐘，同一大班朋友食岩哂。每款肉類有三種調料選擇 - 韓式原味、泰式風味同埋惹味BBQ。🥩牛肉類有多款選擇 - 牛西冷、牛板腱、牛肋肉、牛舌等，肉質新鮮，口感鮮嫩，牛舌彈牙。🐷豬肉類豬大腸烤得外脆内嫩，充滿豬油香氣；厚切豬頸肉肉質厚實；五花腩卷油脂香豐富。🐤雞肉類雞髀肉已經拆骨，肉質鮮嫩；雞中翼BBQ必點。🦑海鮮類金銀蒜焗白蜆：用錫紙包住，白蜆鮮美多汁，充滿住蒜香味。🥬蔬菜類有菠蘿、菇、南瓜、粟米等等，燒菠蘿必點，燒至外層焦香，入口甜美多汁。