Peko Peko Eatery (康怡廣場北座)

營業中

休息中

我地book左6:45pm，入去果陣冇乜人，服務員都好有善，問我地想坐邊，可以自己揀。環境方面滿分，好適合打卡，signature係洞穴座位🪨。我地三個人👨‍👩‍👧去食，因為大家都唔太肚餓，同埋OpenRice訂座嗌套餐會有85折，所以今次嗌個Dinner Set For Two ($538)。蘑菇湯好有蘑菇味，好濃，份量都算多，好開胃！再配埋芝士包真係好正，但係個包稍微硬左小小。拼盤有8件，分別係：廣島蠔，葫蔴雞，海苔魷魚同醬油翡翠螺。我淨係試左葫蔴雞同海苔魷魚，2樣都好食！😋呢個要加$28嗌嘅，但我覺得就冇乜驚喜啦，可能係我睇完好評之後期望太高🤣，但總括黎講都唔差。帶子大大粒，有鮮味。意粉都好掛汁，大大啖食，好野味。【香煎西班牙豬胺】因為掛住食，唔記得影相😂。呢個都唔錯，可以講一試。最後甜品要加$48，但因為食到都飽飽地，所以就冇嗌到。同埋套餐包左2杯飲品：coffee/tea，轉配其他野飲就原價減$10。加一後埋單$537。人均179。