影片
更多
2018-04-20
154 瀏覽
灣仔一向平價美食多，咩菜式都有，今次我同朋友揀一間中位價東南亞餐廳，新泰，食泰國菜。盧押道間新泰分店好大，而且裝修擺設都好有特色，店要上樓上，沿路行忍唔住影一影，好有泰式風味，食飯唔止食物、亦食個環境！首先係小食，我地叫左蛹蝦，上菜後係煎麵餅，卜卜脆，金黃色，夾住蝦。品嚐時配上泰式辣醬，特別香口。第一次食呢種蝦，感覺好新鮮。最滿意主菜——鐵板蠔仔煎蛋。鐵板上時熱辣辣，滋滋聲，少許煙，香味湧上鼻尖。蠔仔大大隻，好有口感，飽滿有汁。蘸少少醬料，配上蛋一齊咬，少少脆多多汁，非常惹味。要飽肚當然要叫個炒飯！我地叫左一個海鮮飯share，分量恰好夠，料好足，每一口飯都食到海鮮，魷魚、蝦、八爪魚，伴碟有生菜，一齊食感覺冇咁肥膩，而且又爽口。最後做個小總結。可惜今次人少，菜式試得唔多，但環境中上，爆分，燈光適中，唔太嘈，坐得舒適，而且裝修有特式。決定下次再黎！😋
盧押道間新泰分店好大，而且裝修擺設都好有特色，店要上樓上，沿路行忍唔住影一影，好有泰式風味，食飯唔止食物、亦食個環境！
首先係小食，我地叫左蛹蝦，上菜後係煎麵餅，卜卜脆，金黃色，夾住蝦。品嚐時配上泰式辣醬，特別香口。第一次食呢種蝦，感覺好新鮮。
最滿意主菜——鐵板蠔仔煎蛋。鐵板上時熱辣辣，滋滋聲，少許煙，香味湧上鼻尖。蠔仔大大隻，好有口感，飽滿有汁。蘸少少醬料，配上蛋一齊咬，少少脆多多汁，非常惹味。
要飽肚當然要叫個炒飯！我地叫左一個海鮮飯share，分量恰好夠，料好足，每一口飯都食到海鮮，魷魚、蝦、八爪魚，伴碟有生菜，一齊食感覺冇咁肥膩，而且又爽口。
最後做個小總結。可惜今次人少，菜式試得唔多，但環境中上，爆分，燈光適中，唔太嘈，坐得舒適，而且裝修有特式。決定下次再黎！😋
張貼
