泰瀾鑊 (北角匯三期)

營業中

休息中

呢間係北角匯既餐廳，裝修係泰國風格，仲放佐架篤篤車係度添，夠晒特式！鑊仔椰香青咖喱燒雞扒😸雞扒燒香佐先放落咖喱去煮，雞扒燒完好嫩，燒到燶邊，好香口，青咖喱用佐更多既椰汁，更加唔辣，但係都好惹味，落既蔬菜更多，好似有毛茄呢啲，好呀！蛋網炒金邊😽金邊粉好有嚼勁，咸咸酸酸，蝦球又大隻，好彈牙呀，加埋嚼蔥絲，好香，蛋絲整到好薄，好似果網咁包住金邊粉，加埋啲蘿蔔絲，好食！頂級蘭王蛋香葉辣肉碎炒飯😻炒飯做到粒粒分明，肉碎包滿每粒飯粒，加埋香葉豆角香蔥，特別濃味，煎蛋好飽滿，蛋香十足，煎蛋整到係太陽蛋，未熟晒，篤穿蛋黃撈埋啲飯一齊食，好出色既炒飯！