泰瀾鑊 (北角匯三期)

營業中

休息中

💛燒菠蘿一碟既菠蘿燒到表面全部焦焦地，一咬落去直情係爆汁，菠蘿超級清甜，一啲渣都無，燒得岩岩好，更加帶出菠蘿既清香，燒完係有啲焦香既，味道更為提升！🧡酸辣青檸烏頭烏頭真係原條咁煮，大大條既烏頭啲魚肉煮完出黎都唔會鞋曬，反而仲幾滑嫩，湯底亦係精華，直情係酸辣湯黎，咸咸酸酸，吸收埋魚既精華之後仲有魚既鮮甜味添，食完條魚真係可以飲啲湯呀！❤️超足料香葉辣椒膏炒藍青口藍青口好新鮮，大隻多肉得黎又唔會太濃海水味，味道鮮美，用佐唔同既香料同埋辣椒膏去整既醬汁亦吸晒落青口度，令到啲藍青口更加好味呀！今日同兩個好姊妹黎食野真係好開心，呢度除佐食物質素好高之外，裝修都好好，好有泰國既風情，得閒真係會再黎呀！