晏晝開會開到天昏地暗⏰，餓到肚皮黐住背脊，直接飛奔去GO PARK入面嘅「西沙泰瀾鑊」醫肚。餐廳裝修簡單，木枱木凳加啲泰式印花 cushion，燈光黃黃哋幾溫馨💡，唔會太嘈，啱晒同同事吹下水、抖啖氣。坐低望住餐牌，選擇唔算多但夠精，主打泰式街頭風，價錢都算合理💰
#️⃣無骨豬髀飯 👍🏻👍🏻👍🏻👍🏻
豬髀肉滷得入味，咬落鬆化又唔柴🐷，醬汁甜中帶少少辣，撈飯一流。旁邊嘅半熟蛋同青瓜絲夠晒清新，平衡返油膩感。不過份量可以再多啲，男仔可能唔夠喉😅。
#️⃣蒜蓉多士 👍🏻👍🏻👍🏻
多士烘得脆卜卜🧄，蒜蓉牛油香噴噴，但略嫌蒜味可以再濃啲。如果多士厚身少少，口感會更加正。當小食share吓幾好，獨食就可能膩咗啲。
#️⃣素食卷 👍🏻👍🏻👍🏻👍🏻
驚喜之作！春卷皮炸得金黃脆身🌱，入面塞滿粉絲、木耳同雜菜，咬落卡嚓聲超治癒。點埋甜酸醬，開胃又唔油膩，素食朋友一定會鍾意。
#️⃣炸蝦餅 👍🏻👍🏻👍🏻👍🏻
即叫即炸，外皮酥脆到不得了🦐，蝦肉彈牙又夠鮮，仲食到粒粒蝦肉口感。唯一挑剔係得三件，唔夠分啊！
一間穩陣嘅泰式小店，味道夠地道又唔會太重口味，適合想快靚正解決一餐嘅打工仔👩💼👨💼。雖然唔算超大份，但質素對得住價錢，經過GO PARK可以試吓～ 不過記得晏晝早少少去，避開lunch peak hour啊！⏳
