御泰坊-泰越菜 (已結業)

今日係公司忙到好晏先走，出到去食飯都成8:00，觀塘依舊人頭湧湧，咁啱依間餐廳直接有位，我哋就入咗去試吓餐廳嘅座位亦都唔算少，但係枱與枱之間嘅空間感就唔多，而且都比較嘈吵小食拼盤入邊包括左六款，略嫌春卷已經凍咗，美中不足。而當中最有驚喜就係蝦餅，熱辣辣非常之香脆可口。而串燒味道亦幾好，配上沙嗲醬最為妥當。馬拉盞炒芥蘭味道好香好惹味，馬拉盞幾時都係泰國菜嘅好朋友，而且食得出好有鑊氣，抵讚！軟殼蟹米紙卷作為前菜其實幾好幾開胃，但係略嫌米紙卷放得太耐，已經開始乾身。店員都幾有禮貌值得一讚，主動加水而且可能我哋晏去到其實都冇限時。