Greyhound Café (太古城中心)

營業中

休息中

今日終於岀城啦，同港島區嘅朋友見下面，好耐冇過黎太古城，每次黎都要溜下冰，今次就食餐好嘅。好，坐低睇吓有咩好食先。啖啖蟹肉黃咖哩虎蝦，係呢度嘅super signature，果然睇得又食得，舖滿蟹肉之餘，虎蝦大大隻，黃咖哩惹味得黎唔太辣，配埋印度煎餅食，超正！燒和牛配檬粉，燒和牛非常吸引，表面煎香，裡面係粉紅色嫩肉，墊底係乾檬，可以點兩款越南醬汁，第一次有呢個食法。鮮魚露炒生菜，看似普通生菜，炒得唔錯，食落個魚露味控制得啱啱好。Mango shake，好濃郁嘅芒果味，有絲絲芒果肉，唔太甜，沙冰夠幼細。招牌椰子千層蛋糕，呢個係必食，一層又一層，每層除咗有椰子cream之外，仲有粒粒新鮮椰子肉，食落唔會漏。