555 Thai Fusion

營業中

休息中

今次嚟到新港城中心，見到「555 Thai Fusion」，被佢個特別嘅喇沙名吸引住，就試吓呢款香茅小豬扒娘惹滲滲喇沙，諗住感受一下泰式風味。🍜香茅小豬扒娘惹滲滲喇沙 $64上枱第一眼，湯底帶淡淡橙黃色，香茅味一陣陣飄出嚟，仲有微微椰香，睇落幾開胃。湯底辣度適中，香料味突出，帶少少酸辣感，幾醒胃。不過，飲落椰漿味唔算濃烈，比預期清淡啲，少咗份喇沙嘅濃郁感。豬扒方面，就真係幾細份，另外一碟上，肉質有啲hi，但個份量真係有啲失望。豬扒炸到有少少金黃，但冇預期中咁香脆，味道亦較普通。麵條夠滑夠彈，吸晒湯汁之後帶啲香茅味，口感唔錯。配料方面有豆卜同芽菜，增加咗少少口感變化，呢個組合都算幾合理。整體嚟講，味道唔差，但豬扒份量真係少咗啲，配料豐富度仲可以提升。價錢中等，鍾意香茅風味嘅朋友可以試吓，但唔好期望豬扒好多。