555 Thai Fusion

營業中

休息中

和朋友在附近路經這裏，中午時間仍有座位，而且價錢也不怎樣，所以就選擇這裏。繁忙時間服務仍是到位的，下單了一下金邊粉要求不要肉，這個出餐就慢一點。現場環境比較嘈吵，所以聊天要相對大聲一點才可以。由於人數較多，所以也出現搭枱情況。這裏不使用二維碼下單，店小二的數量是足夠的，所以服務速度並無問題，服務員主要是阿姐級別。結帳是自行出去處理，服務態度普通。洗手間在商場內，距離餐廳大概一分鐘路程，所以餐廳的位置還是可以。另外，泰國奶茶是好飲的，口味正宗。

今次嚟到新港城中心，見到「555 Thai Fusion」，被佢個特別嘅喇沙名吸引住，就試吓呢款香茅小豬扒娘惹滲滲喇沙，諗住感受一下泰式風味。🍜香茅小豬扒娘惹滲滲喇沙 $64上枱第一眼，湯底帶淡淡橙黃色，香茅味一陣陣飄出嚟，仲有微微椰香，睇落幾開胃。湯底辣度適中，香料味突出，帶少少酸辣感，幾醒胃。不過，飲落椰漿味唔算濃烈，比預期清淡啲，少咗份喇沙嘅濃郁感。豬扒方面，就真係幾細份，另外一碟上，肉質有啲hi，但個份量真係有啲失望。豬扒炸到有少少金黃，但冇預期中咁香脆，味道亦較普通。麵條夠滑夠彈，吸晒湯汁之後帶啲香茅味，口感唔錯。配料方面有豆卜同芽菜，增加咗少少口感變化，呢個組合都算幾合理。整體嚟講，味道唔差，但豬扒份量真係少咗啲，配料豐富度仲可以提升。價錢中等，鍾意香茅風味嘅朋友可以試吓，但唔好期望豬扒好多。

**馬鞍山泰式驚喜！555 Thai Fusion「肉骨茶午餐」藥膳飄香 暖胃必試** 中午時分走進馬鞍山新港城中心的 **555 Thai Fusion**，撲鼻而來的是濃郁的南洋香料氣息——原來是招牌 **「星馬肉骨茶午餐」** 正在沸騰上桌。這道東南亞經典藥膳湯品，在泰式fusion小館竟能嘗出地道風味，絕對是區內上班族的隱藏版暖胃之選！ **肉骨茶：藥香醇厚 排骨軟嫩** 一上桌便被琥珀色湯汁的香氣征服！湯底以當歸、枸杞、白胡椒等藥材熬製，入口先是溫潤的甘甜，尾韻帶微微辛辣，喝完整個胃都暖起來。主角排骨燉得極其鬆化，用筷子輕輕一撥便骨肉分離，蘸上特製黑醬油與辣椒碎，鹹香惹味。湯品還附贈油條段，吸飽湯汁後外軟內脆，是絕妙配搭。 **套餐驚喜：泰式混搭風** 午餐套餐附贈 **泰式青木瓜沙律** 與 **香茅冰茶**——沙律酸甜爽脆，正好中和肉骨茶的厚重感；香茅茶冰涼清新，瞬間彷彿置身曼谷街頭。若想更飽足，+$15可追加 **油飯**，粒粒分明的米飯帶著斑蘭葉香氣，與肉骨茶堪稱絕配。 **性價比高 風味獨特** 人均$80左右能享用到如此真材實料的肉骨茶套餐，在馬鞍山

5 5 5 That Fusion 的豐盛早晨** 位於馬鞍山新港城中心的「5 5 5 That Fusion」，以融合風格的早餐選擇吸引了不少食客。這次嘗試的餐點組合豐富，從經典港式到創新搭配都有涉獵，整體體驗值得細說。 今次叫了兩個特色早餐：1. 香茅小豬扒茄濃湯通粉（$42） 香茅醃製的小豬扒香氣濃郁，肉質嫩滑，搭配酸甜開胃的茄濃湯通粉，味道層次分明。豬扒夠腍容易食。特別要求將炒蛋改為煎蛋，蛋香更突出，有流心。與雞肉腸和斑蘭咖央吐司的甜香形成對比，是一道飽足感十足的選擇。 2. 吉列魚柳 豐盛早餐 （$70） 價錢較貴。 內容豪華：吉列魚柳外酥內嫩，漢堡扒多汁，餐肉煎得焦香，比較特別是慢煮雞胸沙律清爽解膩。這間店的亮點是：將原本的牛油吐司換成斑蘭咖央吐司，斑蘭的清香與咖央醬的甜味為整道菜增添南洋風情，非常驚喜！ 3. 即磨咖啡熱咖啡香醇順口，凍咖啡則跟規矩加$3，冰涼醒神，搭配濃郁早餐正好。 環境與服務餐廳位於商場一角，環境整潔明亮。無QR, 由職員開單，出餐效率高，適合趕時間的。 總結「5 5 5 That Fusion」的早餐選擇多樣且分量十足，尤其推

今晚屋企人唔煮飯，揀左間泰式小菜店食晚餐😆見晚市時間都冇乜人，7點半入去位置非常鬆動😮店員服務都唔錯，主動斟水同落單😼叫左海南雞（半隻）（$128）全部都係無骨嘅雞，啖啖肉好滿足，有齊雞胸雞髀同雞翼位置👍🏻但隻雞鹹到以為食緊燒味😂雞/豬串燒（6串）（$78）兩種肉各一半量，燒出嚟幾香，食落有沙嗲味，但呢個價錢真係有啲唔抵😔炒通菜（$68）超級鹹，食左幾條配左幾杯水🥲但都爽口新鮮的😬泰式菠蘿海鮮炒飯食到粒粒菠蘿，都幾大隻蝦同幾多魷魚，幾足料👍🏻明爐魚（$198）超級費🥲但魚肉嫩滑，煮一陣後都幾入味，酸酸鹹鹹幾開胃，但真係好貴🥲下次可試下平啲嘅午市😔

#20241129 🤍📍 555 Thai Fusion @555_thai_fusion 馬鞍山鞍祿街18號MOSTown新港城中心(4期)3樓3001號舖 🍽️九龍灣牛頭角道77號淘大商場2期地下G234-237號舖➖➖➖➖➖➖➖➖➖➖➖➖➖➖➖➖➖#沙巴甜酸魚柳 $78💭 呢間係個thai fusion係fusion左茶餐廳咁，有好多茶記小菜可以叫尼食，好似呢個甜酸魚柳其實就好似咕嚕魚咁既味，仲可以好似茶記咁加錢跟餐，咁就有飯有野飲🐟.#泰式炒通菜 $58💭 Menu明明寫有得揀辣或者唔辣，但落單既時候個店員姐姐話唔辣就要叫蒜茸炒通菜，於是被逼叫左少辣😅不過食落其實都唔辣，而且幾惹味，用尼撈飯都唔錯🥬.#牛油蒜香雞翼 $68💭 一碟有6隻，點都估唔到呢個小食比想像中出色，係是日最正，因為名符其實地有牛油味又有蒜香味，個皮係炸到生炸咁既口感，入面啲肉質keep到嫩滑多汁，一個人食晒6隻無難度🐔.#斑蘭咖央西多士 $42💭 無叫飯驚會肚餓所以都係叫返個澱粉質食下，預先切好左一粒粒幾貼心，然後將平時西多士中間夾心個花生醬轉左做咖央，食落唔算特別，味道係唔使點煉奶都夠甜，滿足到飽肚既要求幾

上手唔記得咩泰式，而家座位更靚，只是卡位略窄其實佢啲食品應該冇乜特別，不過呢次喺大熱天時做完運動之後，入咗去一個冷氣充足嘅地方，然之後又食返碗又香又熱又辣嘅喇沙麵條，感覺份外舒服。喇沙唔係一味死辣，帶少許椰香，但又不會太過奶，滲滲有兩種麵條，份量不多不少，至少都叫做夠飽，雞扒大大塊，不太嚡。除咗雞扒之外，還有啲豆卜可以吸湯，另外還會在匙羹上面放粒青檸，夠晒細緻，值得一讚。白咖啡反而味道幾好，同普通舊街場唔同嘅就係佢冇咁甜，但咖啡因又唔會特別削減

隨便搵間餐廳食早餐就搵咗呢間，湯麵早餐既配餸得炒蛋+腸仔，因朋友唔食得蛋所以都嘗試問下可唔可以唔要炒蛋轉腸仔，但員工話唔可以，只可以腸仔轉炒蛋 但唔可以炒蛋轉腸仔，或者唔要炒蛋，咁作為消費者 已經覺得奇怪，但我都理解為炒蛋貴過腸仔所以唔俾轉，所以就再問 咁可唔可以蛋另上（因為朋友連掂到蛋既食物都食唔到），點知阿員工都話做唔到，咁我就話另上呢啲好人性化既野我諗你地做到既，不過員工就即刻話呢啲佢話唔到事 一係你同經理講，如果開咗頭可以咁 咁個個都係咁點搞？哇 心諗即係其實要求另上隻蛋啫，都講到好似會令到你地餐廳亂晒籠？係咪因為要洗多隻碟？即係我蝕隻蛋就得，你地另一另上就唔得？咁既服務態度真係多謝晒！杯凍檸茶仲要勁難飲，呢間餐廳真係唔會有下次幫襯，都唔推薦！

之前聽朋友講馬鞍山有好多嘢食，幾年前開始嚟呢度「搵食」，幾乎次次都係食同一間餐廳嘅喇沙。😂😂早兩個月發現食開間馬來餐廳唔見咗。😢😢最近見到呢間泰Fusion，以前同一個位都係泰國餐廳，我係門口見到原來呢間餐廳係以前我食開樓下嗰間嘅外賣取餐處，照推斷，呢兩間餐廳可能有關係，話唔定可以食返我以前最愛嘅喇沙味。😋今日喺餐廳門口已經聽到職員話：「而家已經係下午茶時間啦。」坐低見到個餐牌上面有我最鍾意食嘅滲滲喇沙，可以揀兩樣餸，本來諗住要魚腐同魚蛋，落單嗰陣問咗，原來可以重複同一樣餸，於是叫咗魚腐x2。😋😋我唔係好想飲咖啡或者奶茶，見到呢度都同以前嗰間一樣有熱薏米水，唔使加錢。👍🏼👍🏼👍🏼碗滲滲份量夠我當午餐，味道果然同以前嗰間一樣，魚腐係我個人認為最正嘅，嗰半隻蛋有啲凍，好彩碗湯夠熱，浸一浸就冇問題啦。😊呢度食物份量足、味道好、價錢合理，而且坐得舒服，仲有呢度剩係晚市同假日先會收加一。如果你鍾意食喇沙，可以嚟試吓。😋😋😋

聽說同2樓 峇峇娘惹 合併， 有他們的早餐吃， 於是星期六早上去食。怎知好差， 唔會再去食。1）雞扒公仔麵， 熱咖啡雞扒還可以， 公仔麵好難食熱咖啡又唔好飲， 好hea.配班蘭咖央醬多士， 以前2樓峇峇娘， 都熱d, 現在完全唔熱。煎蛋好熟。2）炸豬扒全日早餐炸豬扒又乾又鞋， 好多油， 餐包又係唔熱， 以前都唔係咁， 完全不一樣。成個餐好求其。凍檸茶。 加檸檬葉？ 已經即時取走， 但杯茶超級難飲， 不一樣的檸檬茶， 配搭怪怪， 都唔知咩來。總評。早餐食物。 質素好差， 煮得好hea 。餐飲。 水吧整的餐飲好難飲。服務。 要叫服務員下單， 工作人員又唔多。 點解唔自助下單。。

昨晚同個好朋友去大家屋企附近吃晚飯，隨便就揀咗依間餐廳，叫咗個炒通菜、燒雞全隻、九層塔炒豬肉、及雞油飯。第一道菜就係炒通菜，個通菜完全係用水烚嘅，我好奇就問過侍應點解個通菜係烚嘅唔係炒嘅？個侍應同我講係炒嘅，我指住啲水我話炒嘅會有咁多水？跟住個侍應就話烚完之後先炒，我笑咗分明係烚完加少少油上去扮抄，跟住隻燒雞，完全係瘦身雞，炸完又炸，跟住又擺去微波爐，出嚟嗰陣時完全無肉，好似皮包骨！黃油飯，完全冇油，其實係染色飯！個九層塔炒豬肉，未見過咁多九層塔嘅，總結嚟講，我唔會再去呢間餐廳！

呢排天氣又凍返 最想就係打邊爐🍲新開幕嘅 𝟓𝟓𝟓 𝐓𝐡𝐚𝐢 𝐅𝐮𝐬𝐢𝐨𝐧 有泰式火鍋啊 ✡︎聽講份量十足 好抵食!主打泰國🇹🇭Fusion 菜式(∩ˊᵕˋ∩)･*愛泰之人一於去食☺️✿ 泰式火鍋冬陰功湯底同原個椰青椰子雞湯底選擇配料有兩款海鮮🦐三款肉丸🍡5款蔬菜🥬仲有泰式米粉～我地叫咗冬陰功湯底🤎一黎就飲咗碗湯先 好入味啊!咁多配料份量十足 性價比高⬆︎ 想食小食仲可以以優惠價加購😋✿ 蝦餅🦐魚餅🐟食泰菜必定要食呢兩款小食炸得香口唔油膩 配埋秘製酸辣醬果然係唔會失望㗎✨✿ 冬陰功鮮椰青荔枝特飲用椰青水🥥做主打 再配上香茅、檸檬葉🍋味道好清新 荔枝味濃郁食完咁多野食飲 好有解渴作用 ❣︎ 雖然有一點點紅辣 但唔會好刺激 ◡̈ f✿ 泰式奶茶🥤有泰式茶飲 同淡奶、糖漿自由調製💫茶味香濃 特別有泰國🇹🇭風味😚

餐廳位於馬鞍山新港城中心，地點好方便👍🏻好近地鐵站，餐廳環境寬敞舒適，唔洗去泰國，都可以食到一間正宗嘅泰國菜🧡。基本上一年四季都好鍾意打邊爐😍🔥泰式火鍋🔥 $198▪️湯底（冬陰湯 /原個椰毒椰子雞湯）▪️海鮮（蝦🦐、花蛤）▪️肉類（泰式牛肉丸、豬肉丸、魚丸、 豬肉片同雞肉）▪️蔬菜（唐生菜🥬、秀珍菇🍄、蕃茄🍅、粟米芯🌽、泰國米粉）▪️牛柳片🐂 （另追加 $88）我哋間左冬陰公湯底，本身伶媽自己都好鍾意❤️飲冬陰陽，用黎打邊爐都係第一次🥰🥰。湯底濃郁好鮮味，入面仲有蝦等等嘅海鮮，而佢哋嘅豬肉丸、牛肉丸都好彈牙爽口，同冬陰公湯配合得好好👍🏻。另外，加左個牛柳片，放落湯底滾3秒就食得😍，肉質鮮嫩多汁，超好味😋🧡小食：🐖串燒（豬/雞）（3串） $24🍗牛油雞翼(3隻） $24串燒肉質爽脆，配埋佢哋嘅醬汁，味道一流👍🏻。而牛油雞翼香脆可口，肉質嫩滑，食落口口感豐富。🐖豬頸肉沙律🥗 $88豬頸肉呢多汁勁Juicy😋，超爽口彈牙👍🏻配埋新鮮嘅沙律菜，酸酸甜甜令人好開胃👍🏻👍🏻。🍹冬陰功鮮椰青荔枝特飲 $58呢杯初初諗會唔會辣嫁，但一飲就覺得好好飲，第一口係覺得有椰青同荔枝味，清清甜甜，仲

慶祝完朋友新居入伙, 就落咗嚟新港城搵嘢食. 行到千色附近見到呢間泰國嘢個名幾特別就入咗去叫咗椰子雞湯火鍋, 大鍋足料, 入面勁多煲到好腍嘅椰肉. 另上配料有蝦, 花蛤, 牛丸豬肉丸, 泰國米粉同埋各類蔬菜. 個椰子雞湯實在太好飲, 椰香味勁重同埋有得走辣, 送米粉一流, 有一刻我真係想飲哂成鍋先走. 另外, 都推介大家試埋豬頸肉沙律同青咖喱雞, 份量適合兩個人share🫰🏻💛個人必食推介: 椰子鍋, 豬頸肉沙律.返食指數: 🥑🥑🥑🥑 (5🥑滿分).#椰子雞湯火鍋 ($198) 加配串燒豬 +$24 牛油香蒜雞翼 +$24#豬頸肉沙律 ($88)#青咖喱雞 ($88)#香茅特飲 ($48).______________________________.📍555 Thai Fusion (馬鞍山)馬鞍山鞍祿街18號MOSTown新港城中心(4期)3樓3001號舖.#instafood #instafoodie #foodiegram #drinkdrinkeateatuide #drinkdrinkeateatguy #鞍祿街 #馬鞍山 #馬鞍山美食 #食好西 #DE新界篇

原隻泰式燒雞配木瓜沙律-$138賣相吸引的原隻燒雞，整體味道也不錯，燒雞事先有醃過，都非常夠味，旁邊仲有兩款醬汁，泰式魚露醬油同泰式甜辣醬，味道頗為強，勁濃郁，所以我試左味之後都無再點汁😂。燒雞外皮燒得微脆、香口、乾身，裏面的肉質仍能保持滑嫩多汁，唯獨覺得燒雞偏細，皮比例較高，唔算好多肉，一人清得曬一隻。至於隔離嘅木瓜沙律，個汁又係無吝嗇，啖啖夠味，同埋係預先拌好，唔會出現上面啖下面濃嘅情況。個青咖哩平時下午都食開，正正常常無分別😂，所以覺得係夜晚食偏貴，都係下午先叫吧～