新泰東南亞餐廳 (已搬遷) 新店位置

一講起食泰國嘢啲人就會提起新泰，其實我地之前已經試過近銅鑼灣嗰間新泰，今日特登過嚟試埋灣仔呢一間。我自己覺得新泰嘅其中一個賣點就係佢個環境真係非常舒適，裝修又有泰國嘅風味，係視覺同埋味覺嘅享受。小食方面，我哋叫咗個椒鹽軟殼蟹。軟殼蟹炸到脆bokbok，同椒鹽可以話係絕配。以前食泰國嘢飲湯嘅話通常都係叫冬陰公湯，今次搞搞新意思，試吓呢一個廚師推介嘅馬拉肉骨茶。湯料好充足，湯底帶少少回甘嘅味道，有別於新加坡飲過嘅肉骨茶，非常特別。主菜方面我哋就叫左泰式蝦炒金邊粉。佢哋將蛋整到好似一個網咁包住晒啲金邊粉，令到賣相好精緻。最後叫咗蒜蓉炒雜菜，泰國菜通常比較濃味，所以叫一個清清地嘅蔬菜就好似中和返咁飲品方面，青檸梳打係我必點既，我同男朋友兩個share一杯灣仔嘅新泰完全冇令到我失望，下次再想食泰國菜嘅話可以試埋佢哋其他分店。