泰瀾鑊 (北角匯三期)

營業中

休息中

一入到去餐廳，氣氛好有椰林樹影嘅風情，感覺非常chill.三色冰，冰冰涼涼，夏天飲係最適合。椰子🥥味非常濃郁，再加上Q彈口感嘅蒟蒻，好飲又好食。辣肉碎生菜包，呢個辣肉碎好夠辣味又夠香，啱晒鍾意食辣嘅我，肉碎香辣，加上生菜一齊包嚟食，味道更豐富。酸辣青檸烏頭，烏頭又好重嘅青檸味，青檸味同烏頭獨有嘅魚味非常夾，而且魚肉新鮮有結實，酸酸辣辣好開胃好好味。鑊仔黃金咖喱炒大虎蝦，金黃色嘅咖喱望落去已經好吸引，虎蝦大大隻，蝦肉鮮甜爽脆，咖喱香料味十足，配搭埋一齊完全係人間美食。