泰金鍋

營業中

休息中

朋友介紹我一定要去觀塘試下食泰金鍋，因為有我最鍾意的泰式火鍋湯底，有小朋友見到一定會好開心的自助夾海鮮，仲有保證男士都可以一定食到飽的煲仔飯任食，一次過滿足一家人所有願望只要惠顧B餐或以上即可體驗親自捉鮑魚海蝦放題，另外仲有名菜五選一，特色泰金烤魚/ 風生水起秘撈雞/ 藤椒烤魚煲/ 農家回味雞煲/ 濃湯花膠雞煲(+$98) ，我地就揀風生水起秘撈雞，嫩滑手撕雞肉配上秘製醬汁，非常清爽開胃，小朋友係自己抱住碟雞自己食晒😂Set B 澳洲產下肩胛肉眼餐湯底就我地就揀泰金冬陰公鍋同膠原豬骨鍋，冬陰功湯底酸酸辣辣非常惹味，食肉同食海鮮都非常正，不過我自己覺得如果食蔬菜的話就要早少少食，如果唔係湯底煮得太耐都會偏酸，豬骨湯就正常發揮，煮咩都咁夾火鍋配料選擇多，加上自助區每日煥新特色小食、點心、炸物、甜品等至少20多款選擇QR code 落單可以揀埋肉類、泰式串燒同煲仔飯等，飲品仲有特色泰式奶茶甜品種類都相當多，雪糕、雪條、紅豆沙、泰式糕點椰汁西米糕、千層糕、椰青糕，仲可以自己整綿綿冰，任意添加配料整體食物質素都唔錯，海鮮夠新鮮，食物款式多到根本一次試唔晒，晴寶寶食完秘撈雞第二至愛就係泰式沙嗲串燒