Woodsage

營業中

休息中

Woodsage 係其中一間好想幫襯嘅元朗食肆，不過之前幾次去到都排哂長龍，望門興嘆。可想而知，當真係有機會試嘅時候，我係幾咁興奮😚。據聞呢度嘅 pizza 好正，於是二話不說，即刻 order 咗個香茅海鮮薄餅，再配鎮店之寶泰式奶茶。呢度嘅泰式奶茶係樽仔上，幾有型，質素方面，味甜奶滑茶香濃，完全符合我對泰式奶茶嘅回憶同想像。當 pizza 上枱嘅時候，我衝口而出：咁大個，點食得哂？店員哥哥笑笑口話：慢慢食啦......Pizza 上面嘅海鮮主要有青口，蜆肉，大蝦同魷魚，幾豐富，加埋厚厚嘅芝士，幾惹味，可惜香茅味實在比較弱，如果一心諗住食香茅 pizza 嘅（例如我），就可能會感到少許失望，雖然整體嚟講個 pizza 其實幾好食。