四面泰泰式火鍋

營業中

休息中

作為打邊爐控嘅我日式火鍋，港式火鍋台式火鍋都通殺，但就未食過泰式火鍋。今次友人就話沙田有間泰式火鍋好值得推薦，諗去試一試🫡原來店舖位於沙田新城市廣場入面，裝修典雅同座位都非常寬敞，讚👍🏻重頭戲火鍋湯底揀咗個冬陰功雙拼湯底，冬陰功用嚟淥海鮮，牛湯底用嚟煮肉一流。叫咗爽脆皖魚片、美國特色肥牛、鮮脆毛肚等配料，特別推薦鮮脆毛肚（即係平時食開嘅金錢肚）浸喺冬陰功湯底之下，酸酸辣辣惹味開胃。鯇魚片人如其名鮮甜爽脆，鼻哥肥牛就不過不失不過點埋泰式三色醬都係一流之選👍🏻鍾意食打邊爐嘅人，又想試吓新口味，呢個泰式火鍋真係冇得頂🥹🥹🥹最後呢度仲有無限量嘅泰式蝦片俾你添加絕對唔使驚食唔飽